برگ و گل پہ نکھار تھوڑی ہے

برگ و گل پہ نکھار تھوڑی ہے
اب چمن میں بہار تھوڑی ہے

خال و خد پہ سجا کے پھرتے رہیں
درد ہے یہ ، سنگھار تھوڑی ہے

غور سے دیکھ میری آنکھوں میں
تشنگی ہے ، خمار تھوڑی ہے

مشکلیں ہیں تو کھیلنا سیکھو
مشکلوں سے فرار تھوڑی ہے

آگئے ہو جو مانگنے کے لئے
زندگی ہے ، ادھار تھوڑی ہے

یہ جو چہروں پہ دکھ رہا ہے نا
بے بسی ہے ، قرار تھوڑی ہے

Shabir Hussein Butt

شاعر: شبیر حسین بٹ
(اسسٹنٹ کمشنر شیخوپورہ)

Nasir Mehmood - Chief Editor at GeoURDU.com