اسلام آباد (جیوڈیسک) سپریم کورٹ نے پاناما لیکس سے متعلق دائر درخواستوں کی سماعت یکم نومبر کو مقرر کرتے ہوئے وزیراعظم نواز شریف سمیت فریقین کو نوٹسز جاری کر دئیے۔
نوٹسز میں وزیراعظم اور فریقین کو کہا گیا ہے کہ عدالت آتے ہوئے اپنا اصل شناختی کارڈ ساتھ لے کر آئیں ۔
تحریک انصاف کے دھرنے سے 24 گھنٹے پہلے ہونے والی سماعت کے لیے وزیراعظم نواز شریف ان کے بچوں ، داماد کیپٹن ریٹائرڈ صفدر، وزیر خزانہ اسحاق ڈار سمیت تمام فریقین کو نوٹسز جاری کیے گئے ہیں۔
نوٹسز میں مطلع کیا گیا ہے کہ پاناما لیکس کی سماعت یکم نومبر کو ہو گی۔ عدالت آتے ہوئے آپ اپنا اصل شناختی کارڈ ساتھ لائیں ۔عدالت نے جمعرات کو سماعت دو ہفتوں کے لیے ملتوی کر دی تھی۔
شاہ سلمان اور اماراتی ولی عہد کا عالمی امور پرتبادلہ خیال
عمران خان نے مختلف تنظیموں سے 500 مسلح افراد مانگے ہیں: دانیال عزیز کا الزام
