روشنی کے انتظامات کی بحالی کے لئے اسٹریٹ لائٹس کی درستگی کو یقینی بنایا جائے۔ نشاط ضیاء قادری
Posted on October 7, 2013 By Majid Khan کراچی
کراچی : حق پرست رکن صوبائی اسمبلی نشاط محمد ضیاء قادری نے بلدیاتی اداروں سے کہا ہے کہ عید الاضحی سے قبل اہم شاہراہوں سمیت بازاروں ،مارکیٹوں ،شاپنگ سینٹروں سمیت عبادت گاہوں کے اطراف روشنی کے انتظامات کی بہتری کے حوالے سے انتظامات کئے جائیں، ناکارہ اور بند اسٹریٹ لائٹس کی فوری مرمت اور درستگی کو یقینی بنا کر تمام علاقوں میں روشنی کی بحالی کی جائے ان خیالات کا اظہار حق پرست رکن صوبائی اسمبلی نشاط ضیاء قادری نے بلدیاتی افسران کے ہمراہ شاہ فیصل کالونی کے مختلف علاقوں کا تفصیلی دورہ کرکے صفائی وستھرائی اور دیگر بلدیاتی سہولیات کی فراہمی کے حوالے سے انتظامات کا معائنہ کرتے ہوئے کیا۔
اس موقع پر انہوں نے شاہ فیصل کالونی کے مختلف علاقوں میں عوامی وفود سے بھی ملاقات کی اور علاقائی مسائل پر تبادلہ خیال کیا عوام کی جانب سے حق پرست رکن صوبائی اسمبلی نشاط محمد ضیاء قادری کو علاقائی مسائل پیش کئے گئے جس میں سر فہرست اندھیروں میں ڈوبی گلیاں اور شاہراہیں جس کی وجہ سے آئے دن اسٹریٹ کرائم کے واقعات ہوتے رہتے ہیں اس موقع پر عوامی شکایات سننے کے بعد موقع پر موجود متعلقہ افسران سے عوامی شکایات کا ازالہ کرنے کے احکامات دیتے ہوئے حق پرست رکن صوبائی اسمبلی نشاط ضیاء قادری نے کہاکہ عوام کی جان و مال کی حفاظت کو مد نظر رکھتے ہوئے شاہراہوں گلیوں ،تجارتی مراکز کے اطراف خصوصاً عبادت گاہوں کے اطراف روشنی کی بحالی کے حوالے سے انتظامات کئے جائیں۔
by Majid Khan
Nasir Mehmood - Chief Editor at GeoURDU.com
دہشتگردی کا خطرہ ،کراچی سینٹرل جیل کے حفاظتی اقدامات سخت
