ھاندلی سے برسر اقتدار آنیوالے حکمرانوں کو مزید وقت نہیں دیا جا سکتا مصطفی آباد/للیانی(نامہ نگار) دھاندلی سے برسر اقتدار آنیوالے حکمرانوں کو مزید وقت نہیں دیا جا سکتا، 14اگست کو آزادی مارچ میں ان کا یوم احتساب ہو گااور تحریک انصاف کا سونامی کر پٹ حکمرانوں کو بہا لے جائے گا۔ نااہل اور مفادپرست حکمرانوں کے دن گنے جا چکے، عمران خان کی کردار کشی کر نے والے ماضی میں اپنے کردار پربھی نظر ڈالیں ، دھونس دھندلی سے ہمارا منیڈیٹ تبدیل کیا گیا۔ان خیالات کا اظہار سنیئر رہنما تحریک انصاف حاجی سیف اللہ طاہر مغل نے اپنے ایک بیان میں کیا۔ انہوں نے مزید کہا کہ عوام کی خدمت کا نعرہ لگاکرعملاً ظلم و جبر کے نظام سے ملک کو تاریکیوں کی طرف لے جایا جا رہا ہے، عوامی مسائل اور انتخابی دھندلیاں منظر عام پر آنے کے بعدموجودہ حکومت اپنی ساکھ کھو بیٹھی ہے۔ اقتدار کی بندربانٹ کرکے باری لگانے والی سیاسی جماعتوں کے گٹھ جوڑکا بت تحریک انصاف ہی پاش پاش کرے گی ،آزادی مارچ اقتدار کے لئے نہیں بلکہ عوام کی تقدیر بد لنے کے لیے ہے ۔ تحریک انصاف کے خلاف شازشیں کر نے والے کبھی ناپاک عزائم میں کامیاب نہیں ہو سکیں گے،تحریک انصاف ہی کرپٹ حکمرانوں کے اقتدار کا بستر گول کرے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پرانی دشمنی پر مخالفین نے فائرنگ کرکے ایک شخص کو قتل دو افراد کو زخمی کر دیا، احمد خاں ساتھیوں کے ہمراہ تاریخ پر جا رہا تھا
مصطفی آباد/للیانی(نامہ نگار)پرانی دشمنی پر مخالفین نے فائرنگ کرکے ایک شخص کو قتل دو افراد کو زخمی کر دیا، احمد خاں ساتھیوں کے ہمراہ تاریخ پر جا رہا تھا کہ گھات لگائے مخالفین نے حملہ کر دیا، تفصیلات کے مطابق نواحی گائوں چھٹیانوالہ کے رہائشی احمد خاں رشید وغیرہ کے درمیان پرانی دشمنی و مقدمہ بازی چل رہی تھے وقوعہ کے روز احمد خاں اس کا بیٹا اسرار احمد خاں، شاہد عرف منا ودیگر افراد کچہری تاریخ پر جا رہے تھے کہ وہیگل کے قریب گھات لگائے مخالفین نے اندھ دھند فائرنگ کر دی جس سے احمد خاں موقع پرہی جاں بحق ہو گیا جبکہ اہد عرف منا اور اسرار احمد خاں شدید زخمی ہو گئے پولیس تھانہ مصطفی آباد نے اسرار احمد خاں کی درخواست پر رشید، محمد اسلم،اکرم، ارشد، اکبر ، ریاض عرف راجوو دو تین کس نامعلوم افراد کے خلاف مقدمہ درج کرکے ملزمان کی تلاش شروع کر دی ہے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ساتوں سالانہ شہیدائے بدر کانفرنس18رمضان بروز جمعرات شام پانچ بجے ہو گی
مصطفی آباد/للیانی(نامہ نگار)ساتوں سالانہ شہیدائے بدر کانفرنس18رمضان بروز جمعرات شام پانچ بجے ہو گی، کانفرنس میں علاقہ اقبال کے پوتے ولید اقبال خصوصی شرکت کریں گے، تفصیلات کے مطابقساتوسالانہ شہیدائے بدر کانفرنس 18رمضان بروز جمعرات شام پانچ تا افطار تک حاجی میرج ہال میں منعقد ہو گی، تقریب کی صدارت بانی رہنما تحریک انصاف قصور و سابقہ ضلعی صدر سرور خاں میئو کریں گے ،ہر سال کی طرح اس سال بھی روزہ داروں کوافطاری میں شہد والے چاول پیش کئے جائیں گے،مہمان خصوصی علاقہ اقبال کا پوتا ولید اقبال اور تحریک انصاف لیبر ونگ کے مرکزی صدرزبیر خاں ہوں گے، جبکہ میاں محمد افضل این اے138، حامد مختار پٹواری ضلعی صدر سپورٹس ونگ، مہر صفدر ااقبال ضلع صدر لیبر ونگ، اور سنیئر رہنما چوہدری محمد اقبال ایڈووکیٹ بھی خصوصی شرکت کریں گے،
تحصیل ہیڈکواٹر ہسپتال کروڑ میں بہترین سہولیات کی فراہمی پر ڈاکٹر محبوب حسنین قریشی کے مشکور ہیں
مہمند ایجنسی، تحصیل بائیزئی کے علاقہ موسی خیل لنڈئی شاہ میں سیکورٹی فورسز کے لیے راشن لے جانے والی گاڑی پر بارودی سرنگ سے حملہ
