للیانی کی خبریں 4/3/2014
Posted on March 5, 2014 By Geo Urdu سٹی نیوز
گھروں کی چھتوں سے گزرنے والی11ہزار کے وی کی تاروں نے متعدد گھروں میں جلا کر راکھ کر دیا
مصطفی آباد/للیانی(نامہ نگار)گھروں کی چھتوں سے گزرنے والی11ہزار کے وی کی تاروں نے متعدد گھروں میں جلا کر راکھ کر دیا، محنت کش شہباز علی موت و حیات کی کشمش میں مبتلا ، ایم این اے چوہدری سلمان حنیف و ایس ڈی او کے بلند باغ دعوئوں کے باوجود تاریں جوں کی توں برقرار، دیہاتی سراپہ احتجاج،بجلی کی تاریں فوری گائوں سے باہر منتقل کرنے کا مطالبہ۔ تفصیلات کے مطابق چند روز قبل نواحی گائوں لکھنیکے میں گھروں کی چھتوں پر سے گزرنے والی 11ہزار کے وی کی تار سے کرنٹ ٹی وی میں آ گیا جس سے نوجوان شہباز علی بری طرح جھلس گیا، جو اب بھی موت و حیات کی کشمش میں مبتلا ہے۔ اس سے قبل بھی پانچ افراد گھروں کے اوپر سے گزرنے والی11ہزار کے وی کی تاروں سے کرنٹ لگنے سے جھلس چکے ہیں، واپڈ افسران کی بے حسی کہ اب تک کوئی نوٹس نہیں لیا گیا، مذکورہ بجلی کی تاریں لکھنیکے سے گائوں سے گزر کر ایم این اے چوہدری سلمان حنیف کے گائوں گرین کوٹ کو جاتی ہیں۔اہلیان علاقہ شہباز علی، ڈاکٹر طارق محمود معصومی، محمد شفیق، محمد جہانگیر ، ریاست بلوچ، اسلم، اشرف و شہباز علی کی والدہ نے صحافیوں سے گفتگو کرتے ہوئے کہا کہ ایم این اے چوہدری سلمان حنیف، اور ایس ڈی او واپڈا موقع دیکھ کر بجلی کی تاروں کو گائوں سے باہر کروانے کا وعدہ کر چکے ہیں لیکن دیگر سیاستدانوں کی وجہ سے تا حال وعدہ وفا نہیں ہو سکا۔ اعلی حکام فوری نوٹس لیتے ہوئے بجلی کی تاریں گھروں سے باہر منتقل کرنے کا مطالبہ کیا ہے۔
ََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میٹر ریڈر یامین نے کرپشن کا بازار گرم کر دیا، ایس ڈی او کی ملی بھگت سے خراب میٹر کو کوڈ نمبر لگوانے کے 2ہزار روپے دفی میٹر وصول
مصطفی آباد/للیانی(نامہ نگار)میٹر ریڈر یامین نے کرپشن کا بازار گرم کر دیا، ایس ڈی او کی ملی بھگت سے خراب میٹر کو کوڈ نمبر لگوانے کے 2ہزار روپے دفی میٹر وصول کرنے کاسلسلہ جاری رکھا ہوا ہے۔ میٹر ریڈر یامین ایس ڈی او واپڈ کی ملی بھگت سے ماہانہ ہزاروں روپے رشوت وصول کرتا ہے،شہریوں کی بڑی تعداد نے اعلی حکام سے کرپٹ میٹر ریڈر و ملوث افراد کے خلاف سخت قانونی کاروائی کا مطالبہ کیا ہے۔
