للیانی کی خبریں 11/4/2014
Posted on April 11, 2014 By Geo1 Webmaster سٹی نیوز
شادی کی تقریب میں فائرنگ کرنے والا معذورمنشیات فروش اپنی ہی فائرنگ
مصطفی آباد/للیانی(نامہ نگار)شادی کی تقریب میں فائرنگ کرنے والا معذورمنشیات فروش اپنی ہی فائرنگ سے ہلاک، تفصیلات کے مطابق نواحی گائوں کتلوہی خورد میں معذور منشیات فروش شریف نامی شخص شادی کی تقریب میںہوائی فائرنگ کر رہا تھا کہ اچانک اپنا ہی فائر لگنے سے ہلاک ہو گیا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید اسرار احمد زیدی شاہ نے اسلام آباد سبزی منڈی دھماکہ کی مذمت کرتے ہوئے
مصطفی آباد/للیانی(نامہ نگار)سید اسرار احمد زیدی شاہ نے اسلام آباد سبزی منڈی دھماکہ کی مذمت کرتے ہوئے اسے حکومتی ناکامی سے تعبیر کیا ہے اور جاں بحق ہونے والوں کے لواحقین سے اظہارہمدردی اور تعزیت پیش کی ہے۔ دھماکہ کرنے والے ملک دشمن عناصر کبھی سبی میں ٹرینوں کو نشانہ بنارہے ہیں تو کبھی سبزی منڈی اسلام آبادمیں دھماکہ کرکے اپنی وحشت و بربریت کا ثبوت دے رہے ہیں، ملک میں لاقانیت بڑھتی جارہی ہے جبکہ حکومت دہشتگردوں سے مذاکرات کرنے پر ہی سارا زور لگا رہی ہے۔انہوں نے مزید کہا کہ گذشتہ روز ہونے والے دھماکے کی ذمہ داری بلوچ کالعدم تنظیم نے قبول کی ہے توکیا اب حکومت ان سے بھی مذاکرات کی سیج سجائے گی۔ ایسی بدعت کاآغا کیا جارہا ہے جس کے بعد جو گروہ بھی ہاتھوں میں اسلحہ لیکر کھڑا ہوگا اس سے مذاکرات کی بات کی جائے گی، ان مذاکرات کی قانونی و آئینی کوئی اہمیت نہیں۔انہوں نے کہا کہ جن دہشتگردوں کے منہ کو غیرملکی پیسہ اور انسانوں کا خون لگ گیا ہے وہ سوائے طاقت کی کوئی اور زبان نہیں سمجھتے۔ ریاست مخالف عناصر کے خلاف فیصلہ کن لڑائی لڑی جائے پوری قوم حکومت اور فو ج کے ساتھ ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئندہ وفاقی بجٹ عوام کیلئے مزیدمشکلات کا پیغام لیکرآرہا ہے
مصطفی آباد/للیانی(نامہ نگار) آئندہ وفاقی بجٹ عوام کیلئے مزیدمشکلات کا پیغام لیکرآرہا ہے اور حکمرانوں نے آئی ایم ایف کے ایجنڈے پربجٹ کی تیاریاں شروع کردی ہیں، پی ٹی آئی نئے بجٹ میں یوٹیلیٹی بلوں میں اضافے اور مہنگائی کیخلاف بھر پور مزاحمت کریگی اور عام آدمی کو ریلیف دینے کیلئے حکومت پر دباؤ ڈالا جائیگا،ان خیالات کا اظہار پاکستان تحریک انصاف کے ضلعی صدر ندیم ہارون خان نے اپنے ایک بیان میں کیا ۔ انہوں نے مزید کہا کہ موجودہ حکمران عوام سے کئے گئے تمام وعدے بھول چکے ہیں اور عام آدمی کی معاشی مشکلات میں روزبروز اضافہ ہورہا ہے،بے روزگاری اور بجلی کی لوڈ شیڈنگ جیسے ایشوز پربھی مؤثر اقدامات نہیں اٹھائے گئے۔ حکومتی پالیسیوں کے باعث معاشی ترقی اور امن تباہ ہورہا ہے حکمرانوں کو اپنی پالیسیوں میں تبدیلی لانا ہوگی عوامی مینڈیٹ کا احترام کرتے ہوئے حکومت اپنے فرائض بہتر سرانجام دیں عوامی وعدوں سے انحراف غداری کے ذمرے میں آتی ہے ۔مسلم لیگ (ن) عوام دشمن پا لیسی پر عملد درآمد کر رہی ہے ۔چنیوٹ میں سٹیل مل لگا نے سے عوام کو کو ئی فائدہ نہیں ہے بلکہ تما م فا ئدے شر یف برادران کیلئے ہیں ۔ سٹیل مل صر ف حکو مت اپنی تجو ریاں بھر نے کیلئے لگا رہی ہے،اس میں عوام کیلئے کو ئی بھی فا ئدہ مو جو د نہیں ہے ۔ مو جو دہ حکو مت نے عوام کی مشکلا ت میں اضا فہ کر نے اور ملک کو مسا ئل کی جا نب دھکیلنے کے علا وہ کچھ بھی نہیں کیا ۔ملک اسو قت بے شما ر مسا ئل سے دوچا رہے لیکن شر یف برادران ملک کو مسا ئل سے نکالنے کی بجا ئے اپنی سیا ست چمکا نے کیلئے ملک کو نا قابل تلا فی نقصا ن پہنچا نے میں مصروف عمل ہیں۔
دہشت گرد پاکستان کے دشمن ہیں: زبیر احمد
