اسلام آباد (جیوڈیسک) اسلام آباد سپریم کورٹ نے بجلی کی لوڈ شیڈنگ میں کمی کے لیے تمام تقسیم کار کمپنیز کے سربراہوں کا اجلاس آج بلانے اور گھریلو و کمرشل صارفین کو بجلی کی یکساں فراہمی یقینی بنانے کا حکم دیا ہے۔ چیف جسٹس افتخار محمد چودھری کی سربراہی میں 3 رکنی بنچ نے لوڈ شیڈنگ کے خلاف از خود نوٹس کیس کی سماعت کی۔
عدالت نے این ٹی ڈی سی کے ایم ڈی کو ہدایت کی کہ بجلی کی لوڈ شیڈنگ میں کمی کے لیے ملک بھر کی تمام تقسیم کار کمپنیوں کے ایم ڈیز کا اجلاس بلایا جائے اور مشترکا حکمت عملی طے کرکے عدالت کو آگاہ کیا جائے۔
عدالت نے یہ ہدایت بھی کی کہ گھریلو اور کمرشل صارفین کو بجلی کی یکساں فراہمی یقینی بنائی جائے۔ چیف جسٹس نے کہا کہ وہ سمجھتے ہیں کہ لوڈ شیڈنگ میں کمی کی جا سکتی ہے۔
بی این پی مینگل کے ارکان حلف نہیں لیں گے، ثنا اللہ بلوچ
گورنرسندھ نے ماہر تعلیم اظفررضوی کے قتل کا نوٹس لے لیا
