لوڈ شیڈنگ پیدا کرکے عوام کے ساتھ ظلم و زیادتی کی انتہاء کی جارہی ہے ،روحیل اکبر
Posted on May 24, 2013 By Noman Webmaster سٹی نیوز
تحریک تحفظ پاکستان کے مرکزی رہنماء روحیل اکبر نے کہا کہ لوڈشیڈنگ پیدا کرکے عوام کے ساتھ ظلم وزیادتی کی انتہاء کی جارہی ہے جس کی وجہ سے صنعتیں بھی تباہ ہو گئی ہیں ملکی معیشت ختم ہوگئی، پنجاب کی معیشت کو 400 ارب کا جھٹکا لگ چکا ہے۔
بجلی نہ دینے کے باوجود بجلی کے بلوں میں چھ فیصد اضافہ ظلم وزیادتی کے مترادف ہے اپنے ایک بیان میں انہوں نے کہا کہ پورا ملک بدترین لوڈشیڈنگ، مہنگائی، بیروزگاری اور بدامنی کی لپیٹ میں ہے مسلسل 20سے 22گھنٹے کی لوڈشیڈنگ سے لاکھوں صنعتیں بند ہوچکی ہیں۔
معیشت کا پہیہ جام ہو چکا ہے، خزانے میں قرضے دینے کے لیے پیسے نہیں، پہلے مزدور سڑکوں پر تھے آج مل مالکان بھی سڑکوں پر آ گئے ہیں اب وقت آچکا ہے کہ عوام کے دکھ درد میں شریک ہونا ہمارا فرض ہے اور محسن پاکستان ڈاکٹر عبدالقدیر خان عوام کے دکھ درد میں ان کے ساتھ شانہ بشانہ کھڑے ہیں۔
