نیا لوکل گورنمنٹ آرڈیننس چیلنج، صدر کو نوٹس جاری

Arif Alvi

راولپنڈی (اصل میڈیا ڈیسک) اسلام آباد کے بلدیاتی نمائندوں نے نیا لوکل گورنمنٹ آرڈیننس اسلام آباد ہائی کورٹ میں چیلنج کر دیا۔

اسلام آباد ہائی کورٹ نے سماعت کرتے ہوئے صدرِ مملکت ڈاکٹر عارف علوی، سیکریٹری داخلہ اور سیکریٹری قانون کو نوٹس جاری کر دیا۔

عدالت نے 11 جنوری تک سیکریٹری داخلہ اور سیکریٹری قانون سے جواب طلب کر لیا۔

عدالتِ عالیہ نے اٹارنی جنرل کو بھی نوٹس جاری کرتے ہوئے انہیں 11 جنوری کو طلب کر لیا۔

درخواست گزاروں نے عدالت میں مؤقف اپنایا ہے کہ میئر کا براہِ راست انتخاب اور ڈپٹی میئرز کا عہدہ ختم کرنا خلافِ قانون ہے۔

درخواست گزاروں نے مؤقف اختیار کیا ہے کہ لوکل گورنمنٹ چلانے کے لیے غیر منتخب افراد کی کونسل بھی خلافِ قانون ہے۔

درخواست گزاروں کا یہ بھی کہنا ہے کہ لوکل گورنمنٹ 2015ء کے قانون کی موجودگی میں آرڈیننس کے ذریعے نیا نظام آئین سے متصادم ہے۔

Nasir Mehmood - Chief Editor at GeoURDU.com