مصطفی آباد/للیانی(نامہ نگار)مقامی صحافی محمد جمیل سندھو کی رہائش گاہ پر پانچویں سالانہ محفل جشن امام انبیاء کا اہتمام، تقریب کی صدارت پیر سید ذاکر سجاد شاہ آف خانوہارنی شریف نے کی، نوکر سرکار دے کی طرف سے سندھو برادران میں انعامات تقسیم کئے گئے، تفصیلات کے مطابق مقامی صحافی محمد جمیل سندھو کی رہائش گاہ پر پانچویں سالانہ محفل جشن امام انبیاء پیر سید ذاکر سجاد شاہ آف خانوہارنی شریف کی زیر صدارت منعقد ہوئی، تقریب میں نوکر سرکار دے نعت کونسل کی طرف سے صدر تاشفین ٹیپو نے محمد جمیل سندھو کی دستار بندی کی گئی جبکہ دیگر سندھو برادران کو انعامات دئیے ۔ تقریب میں نعت خواں حضرات نے نعتیں پیش کی جبکہ صدارتی ایوارڈ یافتہ قوال مہر علی شیر علی و ہمنوا آف فیصل آباد والے قوالی پیش کی، تقریب میں عوام کی بڑی تعداد نے شرکت کی، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار)عالم اسلام کیلئے شاہ عبداللہ کی خدمات ہمیشہ یادرکھی جائیں گی۔ وہ اْمت مسلمہ کے اتحاد کے علمبردار تھے۔ انہوں نے خود کو مسلمانوں کی فلاح و بہبود کیلئے وقف کر رکھا تھا۔ انہوں نے مشرق وسطیٰ میں اسرائیل کے توسیع پسندانہ عزائم کا کامیابی سے سدباب کیا۔ ان خیالات کا اظہار سنیئر رہنما تحریک انصاف حاجی سیف اللہ قصوری نے سعودی فرمانروا شاہ عبداللہ بن عبدالعزیز کے انتقال پر اپنی ایک تعزیتی بیان میں کیا۔ انہوں نے مزید کہا کہ ان کے انتقال سے نہ صرف سعودی عوام بلکہ پوری ملت اسلامیہ ایک دور اندیش رہنما اور بالخصوص پاکستان ایک قابل اعتماد دوست سے محروم ہو گیا ہے۔ خادم حرمین شریفین شاہ عبداللہ کی اسلام اور انسانیت کیلئے بے مثال خدمات تاریخ کا روشن حصہ ہیں،ہم امید کرتے ہیں کہ نئے سعودی فرمانروا شاہ سلمان کے دور میں بھی پاکستان اور سعودی عرب کی دوستی نئی بلندیوں کو چھوئے گی۔ مرحوم شاہ عبداللہ کی طرح شاہ سلمان بھی پاکستان کے عظیم دوست ہیں۔شاہ سلمان کے دور میں پاکستان کے ساتھ سعودی عرب کا روایتی تعاون اور خلوص مزید مستحکم اور وسیع ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار) شاہ عبداللہ بن عبدالعزیزکی انسانیت اور ملت کیلئے خدمات کوہمیشہ یاد رکھا جائے گا، ، شاہ عبداللہ بن عبدالعزیزکی رحلت سے پاکستان ایک بہترین دوست، غمگسار اور عالمی سطح پر بہترین حلیف وساتھی سے محروم ہوگیا ہے’پاکستان کے عوام ان کی دوستی’خلوص اور تعاون کو ہمیشہ یاد رکھیں گے۔ان خیالات کا اظہار رہنما مسلم لیگ ن و امیدوار برائے چیئرمین یونین کونسل لکھنیکے محمد شاہد مغل نے سعودی فرماں روا شاہ عبداللہ کے انتقال پر گہرے رنج وغم کا اظہار کرتے ہوئے کیا۔ انہوں نے مزید کہا کہ ہم شاہ عبداللہ بن عبدالعزیزکے بھائی شاہ سلمان بن عبدالعزیز کو سعودی عرب کے نئے فرماں روا کی حیثیت سے حلف اٹھانے پر مبارکبادبھی پیش کرتے ہیں، ہمیں یقین ہے کہ نئے فرماں روا کی قیادت میں سعودی عرب کا قائدانہ کردار مزید وسعت اختیار کرے گا اور پاک سعودی دوستی کو مزید استحکام و عروج حاصل ہوگا۔
تحفظ ناموس رسالت صلی اللہ علیہ وآلہ وسلم پر کسی بھی طر ح کا کوئی سمجھوتا نہیں ہو سکتا
جماعت اسلامی کے جلسہ عزم انقلاب کی تیاریاں مکمل
