کراچی (اصل میڈیا ڈیسک) صوبائی وزیر صحت ڈاکٹر عذرا پیچوہو کا کہنا ہے کہ لاک ڈاؤن میں رعایت دی تو کیسز کی تعداد بڑھ جائے گی۔
اپنے ایک بیان میں عذرا پیچوہو نے کہا کہ مئی میں کورونا کیسز پیک پر ہوں گے، کیسز کی پیک وسط مئی اور مئی کے آخر میں ہوگی۔
انہوں نے کہا کہ سندھ میں اس وقت کوروناکیسز کے اعتبار سے تعداد 10 فیصد مثبت ہے اور صوبے میں کیسز میں شرح اموات 2.2 فیصد ہے۔
وزیر صحت کا کہنا تھا کہ آنے والے دنوں میں صورتحال زیادہ خطرناک ہوسکتی ہے، لاک ڈاؤن اور سماجی فاصلوں پر مؤثر انداز میں عمل کرنا ہوگا، لاک ڈاؤن میں رعایت دی تو تعداد اور زیادہ بڑھ جائے گی۔
واضح رہے کہ سندھ میں کورونا کے کیسز کی تعداد 3373 اور ہلاکتیں 69 ہوچکی ہیں جن میں سے زیادہ تر کیسز کی تعداد کراچی سے سے ہے۔
مساجد کھولنے کے خطرناک نتائج نکل سکتے ہیں، پاکستانی ڈاکٹرز
پاکستان میں کورونا سے آج مزید 5 اموات، ہلاکتیں 212 ہوگئیں، مجموعی کیسز 10 ہزار سے تجاوز کر گئے
