لندن (جیوڈیسک) پاکستانی لیگ اسپنر دانش کنیریا کی انٹرنیشنل کرکٹ میں واپسی کی اُمیدیں دم توڑ گئیں، تاحیات پابندی کے خلاف اُن کی آخری درخواست بھی لندن ہائی کورٹ سے مسترد ہو گئی۔
دانش کنیریا کی کرکٹ میں واپسی کا کوئی امکان نہیں رہا، تاحیات پابندی کے خلاف اُن کی درخواست امید کی آخری کرن تھی جسے عدالت نے رد کرتے ہوئے یہ ریمارکس دیئے کہ یہ درخواست میرٹ پر پورا نہیں اُترتی۔
اس سال اپریل میں بھی کنیریا نے انصاف کی اپیل کی دائر کی تھی لیکن فیصلہ اُن کے حق میں نہیں ہواتھا۔ کنیریا پر 2009 میں کاؤنٹی میچ میں اسپاٹ فکسنگ میں ملوث ہونے کا الزام تھا۔ انگلینڈ اینڈویلز کرکٹ بورڈ نے 2012 میں اس الزام پر اُن پر تاحیات پابندی لگادی تھی۔
ورلڈ جونیئر سکواش چیمپئن شپ، پاکستان کے چاروں کھلاڑیوں نے دوسرے راؤنڈ کے میچ جیت لئے
جرمن اسٹرائیکر کلوزے نے انٹرنیشنل فٹبال سے ریٹائرمنٹ لے لی
