اسلام آباد (جیوڈیسک) وزیر خزانہ اسحاق ڈار کی زیرصدارت اسلام آباد میں ایک اعلی سطح کا اجلاس ہوا جس میں نجکاری کمیشن کے حکام حکومت کے نجکاری پروگرام کے بارے میں بریفنگ دی۔
وزیر خزانہ نے کہا ہے کہ بھاری نقصان میں چلنے والے سرکاری اداروں کی شفاف نجکاری کی جائے گی اور نجکاری کے عمل میں ملازمین کا تحفظ یقینی بنایا جائے گا۔
اسحاق ڈار کا کہنا تھا کہ پاکستان کو کیپٹل مارکیٹ میں موجودہ تیزی سے فائدہ اٹھانا چاہئے۔ وزیر خزانہ اسحاق ڈار سے اسٹرٹیجک پلاننگ کمیشن کے ارکان نے ملاقات بھی کی، اس موقع پر گفتگو کرتے ہوئے اسحاق ڈار نے کہا کہ قومی سلامتی کے منصوبوں کو فنڈز کی فراہمی اولیں ترجیح ہے۔
وزیر خزانہ کو بتایا گیا کہ منصوبوں کی راہ میں موثر محکمانہ روابط کی کمی اور دیگر مسائل کا سامنا ہے۔
وزیر خزانہ نے قواعد و ضوابط سے متعلق مسائل حل کرنے کی ہدایت کرتے ہوئے کہا کہ اسٹرٹیجک منصوبوں کو فنڈز کا بر وقت اجرا ء یقینی بنایا جائے گا۔
سانحہ مستونگ، جاں بحق افراد کے ورثا کا میتیں رکھ کر دھرنا جاری
مذاکرات کی کامیابی کیلئے طاقت کے استعمال کو فوری بند ہونا چاہیے: حافظ سعید
