ممبئی (جیوڈیسک) بالی ووڈ رومانٹک فلم عاشقی ٹو کے فلمی جوڑے کا رومانس حقیقی زندگی میں بھی پروان چڑھنے لگا، فلم کے ہیرو اداکار ادیتیہ رائے کپور کا کہنا ہے کہ وہ اداکارہ شردھا کپور کے انتہائی قریب ہیں۔
بالی ووڈ فلم عاشقی ٹو میں خوبصورت اداکاری اور رومانوی کرداروں کے باعث شہرت پانے والا یہ فلمی جوڑا حقیقی زندگی میں ایک دوسرے کیخاصے قریب دیکھا جا رہا ہے۔ لگتا ہے فلم کی کہانی میں پروان چڑھنے والی محبت کا جادو حقیقی زندگی میں طاری ہو گیا ہے۔
فلم کے ہیرو اداکار ادیتیہ رائے کپور کا کہنا ہے کہ وہ عام زندگی میں بھی فلم کی ہیروئن شردھا کپور کے خاصے قریب ہیں اور اکثر ایک ساتھ دیکھے جاتے ہیں۔ ادیتیہ رائے کا کہنا ہے فلم کے خوبصورت گانوں نے انہیں کامیابی کی بلندیوں پر پہنچا دیا ہے اور وہ دونوں اس پر بیحد خوش ہیں۔
کانز فلم فیسٹول تیونس کے ہدایتکار عبدالطیف نے جیت لیا
سٹار ٹریک ان ٹو ڈارکنس باکس آفس پر سب سے آگے
