میرا فکر فقیر قلندر دا ، میرا شعر خیال قلندر دا میرا عجز جمال قلندر دا ، میرا جوش جلال قلندر دا مختار زمین اسماناں وِچہ ، اوہدی شاہی دوہاں جہاناں وِچہ جس ایس مٹی دے کوٹھے وِچہ لیا دیوا بال قلندر دا ہے دِین اِکّو، آئین اِکّو، وحدت دریا دیاں ماہیاں دا معبود اِکّو ، مقصود اِکّو ، ہر قطب ابدال قلندر دا سونہہ زلفاں دی ،سونہہ نیناں دی ،سونہہ مستی دی سونہہ ساقی دی سونہہ عشق دی حج ِاکبر اے درشن لجپال قلندر دا اِک مست قلندر دے در تے کئی لکھ سکندر منگتے نیں جو مال خدا رسول دا اے اوہ سارا مال قلندر دا ہے پاک جناب قلندر دی ، لولاک کتاب قلندر دی ہے پاک شراب قلندر دی ،ہے نشہ حلال قلندر دا پئی دھرتی ناز وجائوندی اے ،پیا انبر گج وج گائوندا اے دائم اقبال قلندر دا ، دائم اقبال قلندر دا
Elahi Shah
سگ ِقلندر حسن اختر فرزند دائم وسیکریٹری جنرل دائم اقبال دائم اکیڈمی واسو ضلع منڈی بہاء الدین
قصور کا کیا قصور؟
تم بے قصور ہو
