کیا ہے جو ایک شخص ہمارا نہیں ہوا

Sad Life

کیا ہے جو ایک شخص ہمارا نہیں ہوا
ایسا جنوں میں کس کو خسارا نہیں ہوا

اِک عمر دسترس میں ہماری رہا مگر
پل بھر بھی اس کے دل پہ اجارا نہیں ہوا

اس نے بھی پھر کسی سے محبت نہ کی کبھی
ہم سے بھی کار ِ عشق دوبارا نہیں ہوا

وہ بھی مرے فراق میں رویا تمام عمر
میرا بھی اس کے بعد گزارا نہیں ہوا

ہم تشنگی کے مارے ہوئے ہیں رضا مگر
پانی ہماری آنکھ کا کھارا نہیں ہوا

احمد رضا راجا

Nasir Mehmood - Chief Editor at GeoURDU.com