ممبئی (جیوڈیسک) بھارتی فلم انڈسٹری کی صف اول کی اداکارہ مادھوری ڈکشت اچانک طبعیت کی خرابی کے باعث امریکا روانہ ہو چکی ہیں، جہاں انھیں علاج کیلئے ہسپتال میں داخل کر وا دیا گیا ہے۔
انڈین میڈیا کے مطابق گزشتہ دنوں سے مادھوری ڈکشت کے کندھے میں شدید درد ہو رہا تھا۔ مادھوری ایک ٹی وی ریلیٹی شو کی شوٹنگ میں مصروف تھیں کہ اچانک ان کے کندھے میں درد شروع ہو گیا۔
انہوں نے علاج کیلئے ممبئی کے ڈاکٹروں کو چیک اپ کروایا لیکن انھیں کوئی افاقہ نہ ہوا۔
تکلیف میں شدت کے باعث انہوں نے امریکا جانے کا فیصلہ کیا۔ اطلاعات کے مطابق انھیں ہسپتال میں داخل کروا دیا گیا ہے جہاں ان کا علاج جاری ہے۔
واضح رہے کہ مادھوری ڈکشت کے خاوند امریکا میں ڈاکٹر ہیں۔ مادھوری ڈکشت نے شادی کرکے امریکہ میں ہی سکونت اختیار کر لی تھی لیکن کچھ سال پہلے وہ اپنے خاندان کے ساتھ بھارت واپس لوٹی تھیں۔
فلم ’مالک‘ پر عائد پابندی ہٹا دی گئی
فلم کے قالب میں ڈھلی سچی کہانی: ایک تھی مریم
