میڈرڈ (جیوڈیسک) عالمی نمبر ایک رافیل نڈال، ڈیوڈ فیرر اور نیشی کوری میڈرڈ اوپن ٹینس ٹورنامنٹ کے سیمی فائنل میں پہنچ گئے۔
سپین کے شہر میڈرڈ میں جاری تاریخی ٹینس ٹورنامنٹ کے کوارٹر فائنلز میں دلچسپ مقابلے ہوئے۔ دفاعی چیمپئن سپینش سٹار رافیل نڈال نے جمہوریہ چیک کے ٹوماس برڈیچ کو سٹریٹ سیٹس میں شکست دی۔
رافیل نڈال کی برڈیچ کے خلاف فتح کا سکور چھ چار اور چھ دو رہا، نڈال نے چیک حریف کے خلاف مسلسل 17 ویں کامیابی اپنے نام کی۔ ایک اور کوارٹر فائنل میں سپین ہی کے ڈیوڈ فیرر کا مقابلہ لٹویا کے ارنسٹ گلبز سے ہوا جس میں ڈیوڈ فیریر کو ایک گھنٹے اور چالیس منٹ کے سخت مقابلے کے بعد سات چھ اور چھ تین سے کامیابی حاصل ہوئی۔
مینز سنگلز میں جاپان کے نیشی کوری نے سپینش حریف فیلیسیانو کو زیر کیا جبکہ سپین کے روبرٹو نے کولمبین کوالیفائر سینتیاگو کو آؤٹ کلاس کر کے سیمی فائنل میں جگہ پکی کی۔
سری نواسن کو میٹنگز میں شرکت سے روکا جائے، آئی سی سی کو ورما کا تیسرا خط
عاقب جاوید نے وقار یونس کو بار بار ’’کٹہرے‘‘ میں لانے کی مخالفت کردی
