اسلام آباد (جیوڈیسک) پاک فوج کے شعبہ تعلقات عامہ ’آئی ایس پی آر‘ کے نئے سربراہ میجر جنرل آصف غفور نے باضابطہ طور پر اپنی نئی ذمہ داریاں سنبھال لی ہیں۔
انہوں نے اپنے پیغام میں سابق ڈی جی آئی ایس پی آر لیفٹیننٹ جنرل عاصم سلیم باجوہ کی کوششوں کو سراہا ہے۔ یاد رہے رواں ماہ فوج میں اعلیٰ سطح پر تبادلوں کے دوران ائی آئی ایس پی آر کے نئے ڈی جی کی تقرری بھی کی گئی تھی۔
دریں اثناء میجر جنرل آصف غفور نے اتوار کو سابق ڈی جی آئی ایس پی آر لیفٹیننٹ جنرل عاصم سلیم باجوہ سے ملاقات بھی کی ہے۔
لیفٹیننٹ جنرل عاصم سلیم باجوہ نے اپنے پیغام پر کہا کہ میں نے 4 سال اور 7 ماہ تک دہشتگردی کیخلاف جنگ میں افواج پاکستان کی نمائندگی کی ہے۔ انہوں نے نئے ڈی جی آئی ایس پی آر کیلئے نیک خواہشات کا اظہار بھی کیا ہے۔
بحیرہ اسود میں گر کر تباہ ہونے والا روسی فوجی طیارہ، کوئی زندہ نہیں بچا
حکومتی پالیسیوں سے معیشت مضبوط ہو رہی ہے، شہباز شریف
