لاہور (جیوڈیسک) سابق گورنر مخدوم احمد محمود کو پیپلز پارٹی جنوبی پنجاب کا صدر مقرر کر دیا گیا ہے۔ مخدوم شہاب الدین کے استعفے سے یہ عہدہ خالی ہوا تھا۔پیپلز پارٹی کے شریک چیئرمین آصف زرداری نے مخدوم احمد محمود کی تقرری کا نوٹیفکیشن جاری کیا۔ سابق صدر مخدوم شہاب الدین نے گزشتہ روز طبیعت کی ناسازی کے باعث استعفا دیا تھا۔
آئندہ چند روز میں پی پی جنوبی پنجاب کے سیکریٹری جنرل کی تقرری کا بھی امکان ہے۔ عامر ڈوگر کے استعفے کے بعد یہ عہدہ بھی خالی ہے اور کئی ماہ سے کسی کو مقرر نہیں کیا گیا۔ ذرائع کے مطابق جنوبی پنجاب کے سیکریٹری جنرل کے عہدہ کیلئے شوکت بسرا، محمود حیات خان، معظم جتوئی اور احسان الحق نولاٹھیہ کے ناموں پر غور کیا جا رہا ہے۔
گستاخانہ خاکے اور ٹارگٹ کلنگ، شیعہ علما کونسل کی کفن پوش ریلی
مظفر گڑھ: 6 سالہ بچی مبینہ زیادتی کا شکار، ملزم گرفتار
