تحریر : مسز جمشید خاکوانی جناب صدر ممنون حسین گو کہ پس منظر میں رہتے ہیں لیکن کرپشن کے بارے میں ان کے خیالات بہت واضح ہیں جن کا وہ گاہے بگاہے اظہار بھی کرتے رہتے ہیں انہوں نے کوئٹہ میں ایک تقریب سے خطاب کرتے ہوئے جو کمنٹس پاس کیے وہ بہت مشہور ہوئے انہوں نے کہا جو لوگ کرپشن کرتے ہیں ان کے چہروں پر ایک خاص قسم کی نحوست برستی ہے اور وہ پہچانے جاتے ہیں ان کے ان سادہ الفاظ میں بہت گہرائی تھی جس کی وجہ سے انہیں تنبہہ بھی کی گئی کہ ہاتھ ہولا رکھیں اہل کرپشن کو تکلیف ہوتی ہے ابھی کچھ عرصہ قبل اسلام آباد میں ہونے والی ایک تقریب میں انہوں نے رشوت ستانی کے حوالے سے سخت الفاظ کا استعمال کیا اور حکومت کو سخت اقدامات اٹھانے کا مشورہ بھی دیا انہوں نے قوم کا پیسہ لوٹنے والوں کی شدید الفاظ میں مذمت کی اب یہ اور بات ہے کہ وہ ایک ایسی حکومت کو کرپشن کے خلاف سخت اقدامات اٹھانے کا مشورہ دے رہے ہیں جو خود گوڈے گوڈے کرپشن کی دلدل میں دھنسی ہوئی ہے اور جس کے سپوت معصوم بچوں کو سبق دیتے ہیں بچو ! کرپشن ہوتی ہے۔
اس میں کوئی حرج نہیں اسی سے ملک ترقی کرتے ہیں جس حکومت کے دور میں سزا اور جزا کا عمل طاقتور اور کمزور کے لیے امتیازی سلوک بن چکا ہے انصاف کا ترازو صرف پیسے کے بوجھ سے جھکتا ہے اس حکومت سے کرپشن کے خلاف اقدام کی توقع عبث ہے شائد اسی لیے صدر صاحب کی واز نقار خانے میں طوطی کی آواز ثابت ہوتی ہے جسے کوئی نہیں سنتا حال ہی میں صدر ممنون حسین نے ایک حیران کن انکشاف کیا ہے کہ وہ کبھی بھی باضابطہ طور پر اسکول نہیں گئے نہ ہی اعلی تعلیم حاصل کی ہے کیڈٹ کالج حسن ابدال میں یوم والدین کے عالمی دن کے موقع پر تقریب سے خطاب کرتے ہوئے انہوں نے کہا کہ ان کی زندگی میں اسکول کی خوشیوں کو بڑی اہمیت حاصل ہے۔
کیونکہ وہ کبھی اسکول نہیں گئے تقریب کے اختتام پر طلبا نے صدر کے متعلقہ اسٹاف سے اس بارے میں پوچھا کہ صدر اسکول کیوں نہیں گئے اور انہوں نے نصابی تعلیم کیوں حاصل نہیں کی ؟تو انہیں بتایا گیا کہ متعد وجوہات کی بنا پر وہ اسکول نہیں جا سکے اور گھر پر ہی تعلیم حاصل کی صدر کی جانب سے اس انکشاف کے بعد سماجی رابطے کی ایک ویب سائٹ پر ریمارکس کی بھر مار ہوگئی اور مختلف سوچ کے لوگوں نے صدر کی نصابی تعلیم کے حوالے سے ردعمل کا اظہار کیااس کی ابتدا پاکستان تحریک انصاف کی رکن اسمبلی شیریں مزاری نے کی انہوں نے کہا صدر صاحب فخریہ انداز میں بتا رہے ہیں کہ ان کے پاس کوئی اعلی تعلیم نہیں۔
Nawaz Sharif
دوسری طرف وزیر اعظم صاحب فرماتے ہیں انہوں نے پرچیوں کے ذریعے کاروبار کیا نہیں معلوم آگے کیا ہو گا سوشل میڈیا پر جہاں صدر کے اس انکشاف پر خاصی تنقید ہوئی وہاں ایک خاتون نے اس بیان کو سراہتے ہوئے یہ بھی کہا کہ کیا ہوا اگر ممنون حسین نے گھر پر تعلیم حاصل کی اس میں کیا برائی ہے انہوں نے سچ تو بولا بحر حال تاریخ میں ایسے بھی حکمران گذرے ہیں جنھوں نے کبھی کسی درسگاہ کا منہ نہیں دیکھا لیکن انہوں نے بہترین حکمرانی کی صدر ممنون حسین کا شمار بھی انہی لوگوں میں کیا جائے ویسے بھی ہمارے اکثر ارکان اسمبلی تعلیم سے نا بلد ہیں یا جعلی ڈگریوں کے حامل ہیں لیکن وہ ہمارے ٹیکسوں پر عیش کر رہے ہیں بہترین مرعات اور آسائشات ان کو حکومت مہیا کرتی ہے یہاں پر یہ بات قابل ذکر ہے کہ سٹاف کالج کوئٹہ کے دورے کے موقع پر صدر ممنون حسین نے کمانڈنٹ سے سوال کیا کہ آپ کے افسران نے میٹرک شیٹرک تو کیا ہوا ہو گا؟۔
حیرت زدہ کمانڈنٹ نے جواب دیا سر یہ تو ایف ایس سی کے بعدہی آتے ہیںانہیں یقین نہ آیا تو انہوں نے دوبارہ پوچھا تو انہیں بتایا گیا وہ ایف ایس سی بھرتی ہوتے ہیں پھر اکیڈمی سے ہی بی ایس سی کر کے پاس آئوٹ ہوتے ہیں یہاں تو یہ ماسٹرز کر رہے ہیں انہوں نے پھر پوچھا کہ جب آپ پوسٹ ہوتے ہیں تو پھر کیا کرتے ہیں کمانڈنٹ نے کہا دو تین دن میں چلے جاتے ہیں اور نئی جگہ کام شروع کر دیتے ہیں کہنے لگے اپنے لوگوں کو ساتھ لے کر نہیں جاتے؟کمانڈنٹ نے کہا نہیں سر یہی تو خوبی ہے سسٹم کی کہ صرف سربراہ پوسٹ ہوتا ہے اور باقی تمام لوگ وہی ہوتے ہیں صدر صاحب سمجھے یا نہیں سمجھے لیکن قوم کو سمجھ لینا چاہیے کہ ان کے لیے تعلیم کتنی ضروری ہے اور سیاستدانوں کا قوم کو جاہل رکھنے میں کیا مفاد ہے۔
اصل ادارہ ہی وہی ہوتا ہے جس کے سربراہ کے جانے یا تبدیل ہونے سے سسٹم رکتا نہیں کام ویسے ہی چلتا رہتا ہے یہ نہیںکہ نواز شریف نہ ہوا تو حکومت کیسے چلے گی زرداری کے نہ ہونے سے پارٹی کیسے کھپے گی عمران خان نہ ہوا تو تحریک انصاف بیٹھ جائے گی اگر قوم ترقی کرنا چاہتی ہے تو شخصیات کے سحر سے باہر نکلنا ہوگا اور تعلیم کو اولیت دینی ہو گی ورنہ یونہی جاہلوں کی چاکری کرتے رہیں گے!۔
سوپ تو سوپ چھلنی کیا بولے جس میں بہتر سو چھید ….
امریکی زوال اور چینی عروج
