بنگلورو (جیوڈیسک) بنگلورو میں سال نو کے موقع پر نوجوان لڑکیوں اور خواتین کو جنسی طور پر ہراساں کیے جانیوالے واقعات کے بعد بالی ووڈ اداکار اکشے کمار نے اپنے فیس بک اکائونٹ پر ایک ویڈیو شیئر کی، جس میں انہوں نے اس واقعہ کی شدید الفاظ میں مذمت کی ہے۔
اکشے کمار نے ویڈیو کیساتھ لکھا کہ ایسے واقعات سے مجھے ایسا محسوس ہورہا ہے کہ جیسے ہم پیچھے جارہے ہیں، انسان سے جانور بن رہے ہیں ’’ بلکہ حیوان‘‘ کیونکہ جانور بھی ہم سے بہتر ہیں، یہ شرمناک واقعہ ہے۔
اکشے کا کہنا تھا آج اپنے انسان ہونے پر شرم آرہی ہے ۔ میں ایک بیٹی کا باپ ہوں، جو سماج اپنی عورتوں کو عزت نہیں دے سکتا اسے انسانی معاشرہ کہنے کا حق نہیں ہے۔
فنکار کبھی اپنی فیلڈ سے دور نہیں رہ سکتا : عائشہ عمر
معروف بھارتی اداکار اوم پوری چل بسے
