منگلا ڈیم کے نو تعمیر شدہ بند کا ٹوٹنا تشویشناک ہے: انجمن تاجران
Posted on August 31, 2013 By Noman Webmaster سٹی نیوز
میرپور : منگلا ڈیم کا نو تعمیر شدہ بند کا ٹوٹ پھوٹ کا شکار ہونا تشویش ناک ہے۔ بند کی تعمیر انتہائی ناقص میٹریل سے کی گئی ہے اگر بند کی فوری مرمت نہ کی گئی تو ڈیم کے ٹوٹنے اور کئی بڑے حادثے کے رونما ہونے کا خدشہ ہے ۔نئے بند پر فوری توجہ دی جائے۔ انجمن تاجراں چوک شہیداں کے صدر اظہر ملک کا مطالبہ گزشتہ روز ذرائع سے گفتگو کرتے ہوئے تاجر راہنما اظہر ملک نے اس بات پر برہمی کا اظہار کیا۔
واپڈا اور حکومتی اہلکاروں کی ملی بھگت سے منگلا ڈیم کی تعمیر میں انتہائی ناقص میٹریل استعمال کیا گیا ہے جس کی وجہ سے آج بند جگہ جگہ سے ٹوٹ پوٹ کا شکا رہے اور بند پر بنائی گئی سڑک پر بھی گڑھے پڑ گئے ہیں اس تشویش ناک صورتحال کا فوری نوٹس لیا جانا چاہیے ورنہ کسی بھی وقت بند ٹوٹنے یا کسی بڑے حادثے کا خطرہ ہے اظہر ملک نے اس بات پر اظہار افسوس کیا کہ اس کو تاہی میں حکومتی کمیشن مافیا ملوث ہے۔
