مارچ تے دھرنا
Posted on September 13, 2014 By Majid Khan آپکی شاعری, شاعری
Freedom March
مارچ شارچ کڈھا بیٹھے آں
قوم نوں پچھے لاء بیٹھے آں
تن گھنٹے دے رستے وچ
چھتی گھنٹے لاء بیٹھے آں
اپنے مخلص ورکراں نوں
بارش وچ رُلا بیٹھے آں
اُنہاں نوں کلیاں پھجدے چھڈ کے
بنی گالا جا بیٹھے آں
سوچی پئے آں ہن کی کریئے؟
دھرنا شرنا کرا بیٹھے آں
میوزک شو وِکھا بیٹھے آں
شرم دا ڈوپٹہ لہوا بیٹھے آں
کڑیاں توں سڑک تے ڈانس کرا کے
نواں پاکستان بنا بیٹھے آں
سوچی پئے آں ہن کی کریئے؟
مارچ شارچ کڈھا بیٹھے آں
ایوانِ صدر دا گیٹ لوکو!
کرین نال ڈھا بیٹھے آں
قادری شیدے پیچھے لگ کے
اپنی عقل گنوا بیٹھے آں
پی ٹی وی تے غنڈے چھڈ کے
اپنی عزت ونجا بیٹھیے آں
سوچی پئے آں ہن کی کریئے؟
مارچ شارچ کڈھا بیٹھے آں
سول نافرمانی دا نعرہ لا کے
ملک دی شان گھٹا بیٹھے آں
ہنڈی دا فیر نعرہ لا کے
منہ تے کالک لا بیٹھے آں
ایس دھرنے دے چکر وچ
سٹاک ایکسچینج نوں ڈھا بیٹھے آں
سوچی پئے آں ہن کی کریئے؟
مارچ شارچ کڈھا بیٹھے آں
کراچی، لاہور موٹروے
دھرنے دی اگ وچ جلا بیٹھے آں
نویں پاور پراجیکٹس رُکا کے
لوڈ شیڈنگ ودھا بیٹھے آں
ملک دے چاہن والیاں نوں
ملک توں دور لے جا بیٹھے آں
چینی صدر دا دورہ لوکو
ویکھو ملتوی کروا بیٹھے آں
سوچی پئے آں ہن کی کریئے؟
مارچ شارچ کڈھا بیٹھے آں
کیپیٹل دی سب توں سوہنی سڑک نوں
کچرا گھر بنا بیٹھے آں
سوہنایاں چمکدیاں سڑکاں نوں
ٹائلٹ روم بنا بیٹھے آں
پھلاں بھریاں کیاریاں لوکاں
ڈسٹ بن بنا بیٹھے آں
کانسٹی ٹیوشن ایونیو دا بھٹہ بٹھا کے
ڈی چوک واپس جا بیٹھے آں
سوچی پئے آں ہن کی کریئے؟
مارچ شارچ کڈھا بیٹھے آں
جاوید ہاشمی ہن چھڈ گیا سانوں
شیخ رشید بچا بیٹھے آں
اپنے پنج نکتے منوا کے
ضد اکو ای لا بیٹھے آں
میں ناں مناں میں ناں مناں
ایہو رولا پا بیٹے آں
سوچی پئے آں ہن کی کریئے؟
مارچ شارچ کڈھا بیٹھے آں
(ڈاکٹر کاشف ایوب ہاشمی’ سرگودھا)
by Majid Khan
Nasir Mehmood - Chief Editor at GeoURDU.com
“کہہ رہا ہوں میں یہاں”
تلاش رزق میں ہم دور نگر نکل آئے
