کراچی (جیوڈیسک) ماڑی پور کے علاقے میں شوہر، بھائی اور چچا نے جھگڑے کے دوران فائرنگ کر کے خاتون کو قتل کر دیا۔ تفصیلات کے مطابق ماڑی پور تھانے کے علاقے شاہ لطیف کالونی کے گدلی گوٹھ میں فائرنگ کے واقعے میں 27 سالہ ارشاد بی بی زوجہ کریم بخش جاں بحق ہوگئی، اطلاع ملتے ہی پولیس نے موقع پر پہنچ کر لاش کو تحویل میں لے کر سول اسپتال منتقل کیا۔
ایس ایچ او ماڑی پور چوہدری سلیم کا کہنا ہے کہ مقتولہ ارشاد بی بی اپنے سسرال سے ناراض ہوکر میکے آئی ہوئی تھی جہاں جھگڑے کے دوران فائرنگ سے ارشاد بی بی جاں بحق ہوگئی۔واردات میں مقتولہ کا شوہر کریم بخش، اس کا بھائی دلاور اور چچا شاہ نواز ملوث ہیں، واردات کے بعد ملزمان آلہ قتل سمیت فرار ہوگئے، قتل کی وجہ خاندانی رنجش جائیداد کا تنازعہ بھی ہوسکتا ہے۔
پولیس مزید تفتیش کر رہی ہے، مفرور ملزمان کی تلاش میں چھاپے مارے جا رہے ہیں۔ پولیس کے مطابق ملزمان کی گرفتاری کے بعد ہی قتل کی اصل وجہ معلوم ہوگی، پولیس نے لاش کو ضابطے کی کارروائی کے بعد ورثا کے حوالے کر دیا۔
مزار قائد کے اطراف ترقیاتی کام ٹھپ گرین بیلٹ فٹ پاتھ خستہ حالی کا شکار
غیر جمہوری قوتیں میدان میں آچکی ہیں، اسماعیل راہو
