لاہور (اصل میڈیا ڈیسک) کمشنر لاہور کیپٹن ریٹائرڈ محمد عثمان اور سی سی پی او غلام محمود ڈوگر نے صوبائی دارالحکومت میں کورونا ایس او پیزپر سختی سے عملدرآمد کرانے کا اعلان کر دیا۔
کمشنر لاہور محمد عثمان نے سی سی پی او غلام ڈوگر اور دیگر افسران کے ہمراہ کمشنر آفس میں پریس کانفرنس کی جس میں بتایا گیا کہ شہر میں ایس او پیز کا جائزہ لینے کے لیے قانون نافذ کرنے والے اداروں کا روزانہ 4 بجے کے بعد فلیگ مارچ ہو گا۔
انہوں نے کہا کہ پولیس، فوج اور دیگر ادارے مل کر شہر کے تمام علاقوں کا دورہ کریں گے جب کہ مائیکروا سمارٹ لاک ڈاؤن ایریاز میں آمد و رفت کو بالکل زیرو سطح پر لائیں گے۔
کمشنر لاہوراور سی سی پی او کا کہنا تھا کہ اب ریسٹورنٹس کے باہر پارکنگ ڈائننگ پر بھی پابندی ہو گی جب کہ جو ماسک نہیں پہنے گا قانون حرکت میں آئےگا اور اسے سزا دلوائی جائے گی، ماسک نا پہننے والوں کو قانون کے مطابق جیل میں ڈالا جائے گا۔
بلوچستان میں تجارتی مراکز مکمل بند کرنے کے ایام میں تبدیلی
حمزہ شہباز نے اے اور او لیول کے امتحانات ملتوی کرنے کا مطالبہ کر دیا
