مئی 2013 کا دن ملکی تاریخ کا سیاہ ترین دن
Posted on May 10, 2014 By Geo1 Webmaster سٹی نیوز
کراچی (خصوصی رپورٹ)11 مئی 2013 کا دن ملکی تاریخ کا سیاہ ترین دن تھا ، عوام کی امنگوں کا قتل ہوا ، عوامی مینڈیٹ کے چوری ہونے کا ایک سال مکمل ہونے پر مجلس وحدت مسلمین 11 مئی کو ملک گیر یوم احتجاج منائے گئی، مرکزی احتجاج فیض آباد انٹر چینج اسلام آباد پر ہو گا، موجودہ وفاقی اور تمام صوبائی حکومتوں کی ایک سالہ کارکردگی انتہائی مایوس کن ثابت ہوئی ، الیکشن کیمپین کے دوران ٹی وی اشتہاروں میں بلند و بانگ دعوے کرنے والے حکمران آج ایوانوں میں چھپ کے بیٹھے ہیں۔
دہشت گرد عملی طور پر ملک پر حاکم جب کہ بیرونی امداد اور پریشر سے بر سر اقتدار آنے والی جماعتیں صرف نگران کی حیثیت سے ذمہ داری انجام دی رہی ہیں، پیپلز پارٹی مفاہمت کے نام پر نوازلیگ کی خیانتوں پر دے ڈال رہی ہے، عوامی حقوق کے استحصال اور ظالم نظام حکومت کے خلاف اٹھارہ مئی کو اسکردو سے بیداری امت و استحکام پاکستان کانفرنس کے زریعے احتجاجی تحریک کا آغاز کریں گے، ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ ناصر عباس جعفری نے مرکزی سیکریٹریٹ میں پر ہجوم پریس کانفرنس میں کیا ۔ اس موقع پر دیگر رہنمائوں میں علامہ اعجاز بہشتی، علامہ اصغر عسکری ، علامہ علی شیر انصاری،علامہ ضیغم عباس بھی موجود تھے۔
علامہ ناصر عباس جعفری کا کہنا تھا کہ ہمیں الیکشن سے قبل ہی الیکشن کے نتیجے کا اندازہ ہو چکا تھا ، عرب ممالک کی بیجا مداخلت اور پیسوں کی ریل پیل الیکشن کو مشکوک بنا رہی تھی، افسوس کے ساتھ کہنا پڑتا ہے کہ نا صرف حکمران جماعت بلکہ الیکشن کمیشن اور سپریم کورٹ کے بعض جج صاحبان بھی اس بیرونی سازش میں ملوث تھے، عوام اپنے گھروں سے جوک در جوک نظام کی تبدیلی اور خائن حکمرانوں سے نجات کی خاطر نکلے تھے،ملکی تاریخ میں ایک منفرد ٹرن آئوٹ سابقہ الیکشن میں آیا لیکن بیرونی سرمائے سب پر پانی پھیر دیا،پاکستان میں دہشت گردوںکو اسٹیک ہولڈر بنانے کے لئے الیکشن ہائی جیک ہوئے اور نواز لیگ کو ان دہشت گردوں کا نگہبان بنا کر ایوان میں بھیجا گیا۔ سعودی عرب بحرین اور بعض دیگر خلیجی ریاستیں پاکستان کے الیکشن پر براہ راست اثر انداز ہوئیں۔
انہوں نے موجودہ حکومت کی ایک سالہ کارکردگی کو شدید تنقید کا نشانہ بناتے ہوئے کہا کہ عوامی مسائل ، لودشیڈنگ، دہشت گردی ، مہنگائی ، بے روزگاری کے خاتمے کے نعرے لگانے والی سیاسی جماعتیں ایک سال گذرنے کے باوجود تاحال کسی ایک مسئلے کے حل میں کامیاب نہ ہو سکیں ، لودشیڈنگ کو چند ماہ اور چند سال میں ختم کر نے کے دعوے دار میاں صاحبان آج کہتے ہیں، ہمارے تو ہاتھوں سے طوطے اڑ گئے، الیکشن کیمپین کے دوران اربوں روپئے کے ٹی وی کمرشلز میں صرف جوش خطابت اور عوام کو خوش کر نے کے لئے ایسے دل فریب نعرے لگائے گئے۔ آج عوام چودہ چودہ ، سولہ سولہ گھنٹے کی لودشیڈنگ بھگت رہے ہیں ، صنعتوں کا پہہ جام ہو چکا ، بے روز گاری میں اضافہ ہوا، لوگ بھوک و افلاس س خودکشیوں پر مجبور ہو ئے ۔انہوں نے مذید کہا کہ مسلم لیگ ن اور پاکستان تحریک انصاف لوڈشیدنگ کے مسئلے پر سیاست چمکانے س باز آئین اور پاور پروجیکٹس کی تنصیب کے حوالے سے سنجیدہ اقدامات کریں ۔باریاں لگانے والی پیپلز پارٹی اور نواز لیگ نے ایک دوسرے کے عیبوں اور خامیوں پر پردہ ڈالنے کا بھی معاہدہ کر رکھا ہے، زرداری صاحب نے بڑے بھائی کو پانچ سال پورے کروانے کی یقین دھانی کروارکھی ہے۔
انہوں نے وفاقی سیاسی جماعتوں اور بعض نجی ٹی وی چینلز کی جانب سے پاک فوج اور مقتدر اداروں کے خلاف محاز آرائی کو تشویش ناک قرار دیتے ہو ئے کہا کہ محب وطن اداروں کے خلاف ہرزا سرائی دشمنوں کے مفاد میں ہے، ایسے الزامات سے وطن ، دفاع، سرحدیں ، عوام اور ادارے کمزور ہونگے اور دشمن کے نفوز کا راستہ آسان ہو گا، میڈیا ، سیاسی جماعتیںاور دفاعی ادارے ملک کے اہم ستون ہیں ، ان کا آپس میں ٹکرائوقومی و ملکی مفاد کے خلاف ہو گا۔ انہوں نے کراچی سمیت ملک بھر میں جاری ٹارگٹ کلنگ بھتہ خوری ، دہشت گردی پر تشویش کا اظہار کر تے ہو ئے کہاکہ کراچی میں درجن بھر شہریوں کا قتل معمول بن چکا ہے، گذشتہ ایک سال میں وفاقی و صوبائی حکومت نے فقط ایک بوسیدہ ٹارگٹڈ آپریشن کے کچھ نہیں کیا، جس کا نتیجہ صفر نکلا ، ہزاروں دہشت گردو ںکی گرفتاری کے دعوے ہو ئے لیکن سزا کسی ایک مجرم کو بھی نہ ہوئی، وزیر اعظم صاحب فقط گرفتاریوں کی تعداد پوچھ کر کراچی سے واپس آجاتے ہیں ۔کراچی کی طرح پنجاب بھر میں بھی لاء اینڈ آرڈر کی صورتحال قابل اطمنان نہیں لاہور، گجرانوالہ ،فیصل آباد،اسلام آباد، راولپنڈی ،ملتان اور دیگر شہروں میں دہشت گردوں کے مراکز موجود ہیں جو صوبے بھر میں دہشت گردی میں ملوث ہیں ، لیکن نواز لیگ ان دہشت گردوں کے خلاف کو ئی ٹھوس کاروائی کرنے میں سنجیدہ نہیں ،پاک فوج کے جوانوں ، ڈاکٹروں ، وکلائ، انجینئرز، علماء اور شیعہ کمیونٹی سے تعلق رکھنے والے افراد کے قاتل تاحال آزاد ہیں۔
انہوں نے اعلان کیا کہ مجلس وحدت مسلمین پاکستان بیرونی امداد پر برسر اقتدار آنے والی حکومت کے ایک برس مکمل ہونے پر گیارہ مئی کو ملک گیر یوم سیاہ منائے گی ، ملک بھر میں احتجاجی مظاہرے کیئے جائیں گے، جب کہ مرکزی احتجاجی مظاہرہ فیض آباد انٹر چینج پر ہوگا، عوام سے پر زور اپیل کی جاتی ہے کہ ظالم اور کرپٹ حکومت کے خلاف گیارہ مئی کو اپنے گھروں سے باہر نکلیں اور ان بیرونی ایجنڈوں سے اپنی بھر پور نفرت کا اظہار کریں۔
