لاہور (جیوڈیسک) پاکستان عوامی تحریک کے سربراہ طاہرالقادری نے کہا ہے کہ گیارہ مئی کو میرا ایجنڈا قطعی طورپر 2013 سے مختلف نہیں، میں ذاتی طورپر تو نہیں آ رہا لیکن بہت جلد پاکستان آ کر اقتدار سے چمٹے مافیا سے اقتدار چھین کر عوام کو منتقل کردوں گا۔ گفتگو میں انھوں نے کہا کہ گیارہ مئی کا احتجاج ہماری تحریک کا آغاز ہے، میری آنکھوں کا آپریشن ہوا ہے جس کی وجہ سے ابھی میں فوری طور پر تو نہیں آرہا لیکن بہت جلد پاکستان آئوں گا اور اس انقلابی تحریک کو پایہ تکمیل تک پہنچائوں گا، میں سمجھتا تھا کہ سپریم کورٹ کی اعلیٰ کرسی پر بیٹھا شخص واقعی جج ہے لیکن مجھے بعد میں پتہ چلا کہ وہ اس کرپٹ سسٹم کا حصہ ہے اس نے میرے ساتھ دھوکہ کیا اس مرتبہ ہم نے کسی عدالت میں نہیں جانا ہم عوام کی عدالت میں جائیں گے ہم نے کسی سے مذاکرات نہیں کرنے ایک کروڑ نمازی جب اکٹھا ہو گا تو ہم اس وقت تک اپنا پرامن احتجاج ختم نہیں کریں گے جب تک ان ظالموں سے اقتدار چھین کر عوام کو منتقل نہ کر دیں اقتدارپر قابض لوگوں کو سزا ملے گی اور یہ جیل جائیں گے۔
میری جدوجہد 2004 سے جاری ہے میں کسی کے ایجنڈے پر نہیں، عوام اور پاکستان کی خدمت کے ایجنڈے پر ہوں جو لوگ یہ کہتے ہیں کہ مجھے عوام پسند نہیں کرتے کیونکہ میں یہاں نہیں رہتا تو میں بتا دوں اگر عوام مجھے پسند نہیں کرتے تو وہ میری کال کو مسترد کر دیں گے، پولیس میرے ساتھ ہوگی اور انشاء اللہ وہ وردی اتار کر میرے حوالے کردینگے، عوام ادارے میرے ساتھ ہوں گے اور عوام پرامن طریقے سے اقتدار لے لیں گے، گیارہ مئی کے احتجاج کی کال بہت پہلے دی تھی یہ اتفاق ہو گیا ہے کہ عمران خان بھی اسی روز احتجاج کر رہے ہیں اور یہ بھی اتفاق ہے کہ ان دنوں حکومت اور فوج کے درمیان کچھ تنائو ہے۔
حامد میر پر حملہ، عدالتی کمیشن کا چوتھا اجلاس آج ہو گا
تمام جمہوری قوتیں طالبان کے ساتھ بات چیت کے عمل پر حکومت کی مدد کر رہی ہیں، پرویز رشید
