کلکتہ (جیوڈیسک) بھارت کی ریاست مغربی بنگال میں کانگریس کے رکن کے سامنے احتجاج کرنے والی لڑکی کو اغوا کے بعد قتل کر دیا گیا، باپ کو تشدد سے بچانے والی بیٹی کی لاش اگلے روز ریل کی پٹریوں پر برہنہ حالت میں ملی۔
واقعہ مغربی بنگال میں پیش آیا جہاں ٹریکٹر کا کرایہ ادا نہ کرنے پر پنچایت میں فیصلے کے بعد غریب کسان کو تشدد کا نشانہ بنایا گیا۔
والد کو تشدد سے بچانے کے لئے لڑکی نے کانگریس کے رکن اور علاقہ کونسلر کے سامنے احتجاج کیا اور مار پیٹ روکنے کی اپیل کی جس کی سزا اسے اغوا اور زیادتی کے بعد موت کی صورت میں ملی۔
لڑکی کی شناخت کے بعد والد نے 13 افراد کے خلاف ایف آئی آر درج کرائی ہے۔ پولیس نے دو افراد کو گرفتار کر لیا ہے۔
روس اور یوکرائن میں جنگ بندی پر اتفاق علیحدگی پسندوں نے 87 یوکرائن فوجی مار ڈالے
یورپی یونین کی اسرائیلی مصنوعات کے بائیکاٹ کی دھمکی
