جہلم : رکن قومی اسمبلی نگہت میر نے کہاہے کہ خواتین پر تشدد کیخلاف قانون پاس کرکے پنجاب اسمبلی نے خواتین کے حقوق کے تخفظ کیلئے نئی تاریخ رقم کی ہے اور امید کی جاتی ہے دیگر صوبائی اسمبلیاں بھی خواتین کو تخفظ دینے کیلئے اسی طرح کا قانون سازی کریں گی۔ان خیالات کا اظہا رانہوںنے ایک بیا ن میں کیا۔ رکن قومی اسمبلی نگہت میر نے کہاکہ نئے قانون کے تحت خواتین کے خلاف ہر قسم کے تشدد کو جرم قرار دیا گیا ہے جس سے کوئی بھی خواتین پرگھروں کے اندر نہ توکوئی تشدد کر سکے گا اور نہ ہی کوئی خواتین کو گھر کی چار دیواری سے نکالنے کی جرات کر سکے گا۔ انہوںنے کہاکہ خواتین کو تخفظ فراہم کرنا ہر حکومت کی بنیادی ذمہ داری ہے اور پنجاب اسمبلی اس سلسلے میں قانون سازی کرکے خواتین کے حقوق کے تخفظ کے سلسلے میں تاریخی کامیابی حاصل کی ہے۔ انہوںنے کہاکہ کوئی بھی ملک خواتین کو قومی دھارے میں شریک کئے بغیر ترقی کی راہ پر گامزن نہیں ہو سکتا لہذا خواتین کو دفاتر اور کام کی جگہ پر اور گھروں کے اندر تخفظ فراہم کرکے پنجاب حکومت نے خواتین کو اعتماد دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم : ڈی سی او جہلم کے سیکورٹی کے حوالے سے دورے ادھورے ، سامنے سے تومدنثر رکھا جارہا ہے مگر عقبی جانب سے نظر انداز ۔ تفصیلات کے مطابق موجودہ دہشت گردی کے حوالے سے دہشت گردوں کی طرف سے تعلیمی اداروں کو نشانہ بنانے کی دھمکیوں کے بعد حکومت نے پورے ملک میں سیکورٹی ہائی الرٹ کردی ہے ، اس سلسلہ میں تمام سکولوں کو سیکورٹی آلات جن میں مسلح سیکورٹی گارڈ ، سی سی ٹی وی کیمرے اور خار دار تاروں کو لازمی قرار دیا گیا ہے ، حکومتی احکامات کے مطابق ضلعی انتظامیہ بھی اس کے لئے سختی سے عملدرآمد کو یقینی بنانے میں کوشاں ہے ، مگر عوامی حلقوں نے میڈیا کے توسط سے خصوصی طور پر تعلیمی اداروں کے عقبی جانب سے سیکورٹی کے حوالے سے نظر انداز کئے جانے پر تشویش کا اظہار کیا ہے ،انہوں نے کہا کہ ماضی میں دہشت گردوں نے جن تعلیمی درسگاہوں پر حملے کئے وہ عقبے جانب سے کئے گئے ، لہٰذا ضلعی انتظامیہ سے اپیل ہے کہ وہ تمام سکولوں کو عقبی جانب سے بھی سیکورٹی کو سخت کرنے کے احکامات جاری کریں مگر اس کے ساتھ ساتھ طلبہ کے والدین پر سیکورٹی کے حوالے سے فیسوں ی صورت میں بوجھ بھی نہ ڈالاجائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم : پاکستان پوسٹ آفس کے سنئیر کلرک اکبر خان کی والدہ گذشتہ روز انتقال کر گئیں ،تفصیلات کے مطابق پاکستان پوسٹ آفس کے کلرک اکبر خان ،عادل خان اور محمد ریاض کی والدہ گذشتہ روز انتقال کر گئیں ۔مرحومہ کی نمازہ جنازہ کریم پورہ میں ادا کر دی گئی ،نماز جنازہ میں،سیاسی سماجی ،شخصیات کے علاوہ ہزاروں لوگوں نے شرکت کی ،مرحومہ کی رسم قل آج انکی رہائش گاہ کریم پورہ میں دن 11بجے ادا کی جائیگی ،مرحومہ مقامی صحافی مبشر بٹ کی نانی اماں تھی ،مقامی صحافی اور لواحقین سے اظہار تعزیت کی جس میں ،صدر میڈیا ون ،مصطفی بٹ اور عہدیدران اور ممبران نے مرحومہ کے لیئے دعائے مغفرت کی اور پسماندگان کو صبرجمیل ،اور مرحومہ کے لیئے جنت الفردوس میں درجات کی بلندی کے لیئے دعا کی ، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم : فلاح انسانیت فاونڈیشن کے زیر اہتمام آج ضرب عضب میں شہید ابرار حسین کے گاوں حمبوھیل کے گاوں میں فری میڈیکل کیمپ کا انعقاد کر رہی ہے ،جس میں تمام شعبہ جات کے کوالفائیڈ ڈاکٹرز اور سٹاف شرکت کرے گا ،شہید کا گاوں اسی جگہ واقع ہے جہاں دور دور تک میڈیکل کی سہولت موجود نہیں ،یہ بات فلاح انسانیت کے نگران محمد افضل نے اپنے ایک بیان میں کہی ،انہوں نے کہا ہم شہید کے گاوں گئے اور انکے والدین سے ملے اور شہید کے درجات کی بلند ی کے لیئے دعا کی اور ان سے فری میڈیکل کیمپ کے لیئے کہا ،انہوں اس بات پر رضامندی کا اظہار کیا ،میڈیکل کیمپ صبح 10سے لیکر سہہ پہر 3بجے تک رہے گا جس میں مریضوں کا مفت طبی معائنہ کیا جائے گا اور انہیں مفت ادویات دی جائیں گی ۔فلاح انسانیت فاونڈیشن کے نگران محمد افضل نے کہا کہ فلاح انسانیت فاونڈیشن بلا تفریق نیکی کے کام پیش پیش رہی ہے اور ہمارا کام لوگوں میں بلاتفریق خدمت خلق کرنا ہے ،اور شہید کاگاوں بہت پسماندہ ہے اور ہماری یہ کوشش ہو گی کہ آئندہ بھی اس گاوں میں خدمت خلق جاری رکھی جائے گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جہلم : جامع مسجد اقصیٰ اسلامک سنٹر میں آج ہفت روزہ جرار کے ایڈیٹر علی عمران شاہین نے،ملکی موجودہ حالات اور ہماراکردار پر روشنی ڈالی،جس میں بڑی تعداد میں صحافی بھائیوں اور دیگر بھائیوں نے شرکت کی ،انہوں نے اپنے بیان میں کہا کہ پاکستان پر انڈیا دباو ڈال کر اپنی تمام باتئیں منواتا ہے ،اب حملہ پٹھانکوٹ میں ہوا اور ،ایف ،آئی ،آر پاکستان میں کاٹی جا رہی ہے اور حالیہ انڈیا میں جو مجاہدین اور انڈین فوج کے درمیان جو جھڑپ ہوئی اس میں کشمیری نوجوان شامل تھے لیکن بھارت نے پھر انتہائی ڈھٹائی کا مظاہرہ کرتے ہوئے الزام پاکستان پر لگا دیا ، حکمران یہ بتائیں کہ انڈیا جو کہ ہمارے تمام اندرونی معاملات میں ،ملوث ہے اور اسکا باقائدہ پاکستان اظہار بھی کر چکا ہے ،اس معاملے میں بھارت نے پاکستان کے ساتھ کتنا تعاون کیا،۔اس کے علاوہ انہوں نے کہا کہ اس وقت تھر کا معاملہ بہت زیادہ گھمبیر ہے ،وہاں پھر آئے دن اموات کا سلسلہ جاری ہے اور یہ وطن عزیز کے لیئے انہتائی شرم کی بات ہے ،ہم سے جو ہوسکا اور اپنے وسائل کے مطابق ہم نے کیا اب یہ حکومت کو چایئے کہ وہاں بنیادی سہولیات فراہم کرے ،آخر پر سوال وجواب کی نشست ہوئی،جس میں صحافی بھائیوں نے عمران شاہین سے مختلف موضوعات پر سوالات کیئے ،جس کس انہوں نے جوابات دیئے،اس قبل انہوں نے جامع مسجد راجڑ کلاں سرائے عالمگیر کا افتتاح کو موقع پر کہا کہ یورپ میں عیسائی چرچ فروخت کر رہے ہیں اور مسلمان انہیں خرید کر مساجد میں تبدیل کر رہے ہیں اور یہ ان غیر مسلموں کے لیئے لمحہ فکریہ ہے کہ اسلا م تیزی کے ساتھ پھیل رہا ہے ،اور وہ اس خائف بھی ہیں لیکن مادر پدر آزاد نسل اس وقت ان باتوں سے مبراء ہیں اور ویسے بھی اللہ اور اسکے رسولۖ کا ارشاد گرامی کہ اسلام قیامت تک قائم رہنے والا دین ہے اور ان شاء اللہ رہے گا۔
مصطفی آباد/للیانی کی خبریں 27/2/2016
مشرف نے بے حیائی سے بھرپور حسبہ بل کا بل پاس کیا اور وہ مسخ شدہ تاریخ کا حصہ بن گئے، جمعیت علماء پاکستان
