میاں چنوں (جیوڈیسک) روٹلا میں کھیتوں میں جانے کے لئے راستہ نہ دینے پر دو گروپوں کے درمیان تصادم کے نتیجے میں 2 خواتین سمیت 8 افراد جاں بحق ہوگئے۔
میاں چنوں کے نواحی علاقے روٹلا میں حافظ بلال راجپوت اور حافظ کریم سکھیرا کے درمیان کافی عرصے سے گزر گاہ کے معاملے پر تنازع چل رہا تھا گزشتہ روز دونوں خاندانوں کے درمیان تلخ کلامی ہوگئی تھی جس نے آج شدت اختیار کرلی اور دونوں گروپوں کے درمیان مسلح تصادم ہوگیا۔
فائرنگ کے نتیجے میں 4 افراد موقع پر ہی جاں بحق جب کہ 4 زخمی ہوگئے، زخمیوں کو قریبی اسپتال منتقل کیا گیا جہاں وہ دم توڑ گئے۔ جاں بحق ہونے والوں میں حافظ کریم، ان کے 3 بھائی حافظ سعید، حافظ غلام اور ماسٹر مقبول کے علاوہ ان کی والدہ اور حافظ سعید کی بیوی شامل ہے جب کہ مخالف گروپ کے دو افراد جاں بحق ہوئے ہیں۔
پولیس کا کہنا ہے کہ لاشوں کو لواحقین کے حوالے کردیا گیا ہے تاہم علاقے میں اب بھی کشیدگی پائی جاتی ہے۔
این اے 122 میں پولنگ؛ بستی سیداں میں (ن) لیگ اور تحریک انصاف کے کارکنوں میں جھڑپیں
کپتان کی وکٹ اُڑ گئی، نون لیگ کی ہیٹ ٹرک، این اے 122 میں ایاز صادق کی فتح، کارکنوں کا جشن
