سڈنی (جیوڈیسک) آسٹریلوی کپتان مائیکل کلارک کی پاکستان کے خلاف سیریز میں شرکت مشکوک ہوگئی ہے، دونوں ٹیمیں اگلے ماہ متحدہ عرب امارات میں آمنے سامنے ہونگی۔مائیکل کلارک زمبابوے میں جاری تین ملکی ٹورنامنٹ کے دوران ہیم اسٹرنگ انجری کا شکار ہوگئے تھے۔
کرکٹ آسٹریلیا کے مطابق پاکستان کے خلاف اگلے ماہ متحدہ عرب امارات میں ہونے والی سیریز میں انکی شرکت مشکوک ہوگئی ہے۔ مائیکل کلارک اس وقت آسٹریلیا میں موجود ہیں اور جلد فٹ ہونے کی کوشش کررہے ہیں، ان کی غیر موجودگی میں ون ڈے ٹیم کی قیادت جارج بیلی کریں گے جبکہ ٹیسٹ ٹیم کی کپتانی وکٹ کیپر بریڈ ہیڈن کو دئیے جانے کا امکان ہے۔
یو ایس اوپن: جوکووچ اور سرینا ولیمز نے سیمی فائنل میں جگہ بنالی
تین ملکی سیریز: زمبابوے اور جنوبی افریقا آج اہم میچ میں مد مقابل
