لاہور (پ ر) فوج کرپٹ سیاستدانوں کیخلاف بھی سخت آپریشن کرے ‘حکومت یمن کی پرائی آگ میں کود رہی ہے’مصالحتانہ رویہ اختیار کیا جائے’سعودی عرب فوج بجھوانے سے قبل پارلیمنٹ اور قوم کو اعتماد میں لینا بے حد ضروری ہے ،سعودی عرب فوج بجھوانے کا فیصلہ دانشمندانہ نہیں ہوگا۔
ہمیں کسی کی جنگ میں گھسنا نہیں چاہئے،پاکستان کے اپنے بہت سے مسائل ہیں،اس میں کوئی شک نہیں کہ سعودی عرب ہمارا اچھا دوست ہے مگر اس کا یہ مطلب نہیں کہ اس کی جنگ میں حصہ لینا شروع کر دیں،پاک فوج نے سعودی جنگ میں حصہ لیا تو ہمارے ملک میں خانہ جنگی چھڑ جائے گی،اس لئے کسی بھی ایسے اقدام سے قبل پارلمینٹ اور عوام کو اعتماد میں لینا ضروری ہے۔
ان خیالات کا اظہارانسٹیٹیوٹ آف نیشنل افیئرز کے اجلاس میں مقررین نے کیا،اجلاس میں محمداطہر خرم،ریاض چوہدری،ڈاکٹر سہراب اسلم’وسیم احمد،پروفیسر عرفان یوسف ،الیاس اعوان، غلام رضا ‘فاروق تسنیم’اسرار بخاری’حامد ریاض ڈوگر’عبدالمجیدسمیت دیگر شخصیات نے شرکت کی،اجلاس کی صدارت ڈاکٹر سہراب اسلم نے کی جس میں یمن میں فوج بھیجنے سمیت کراچی کی موجودہ صورتحال اورملکی حالات پر تفصیلی گفتگو کی گئی۔
اجلاس سے خطاب کرتے ہوئے مقررین نے کہا کہ فوج کرپٹ سیاستدانوں کیخلاف بھی سخت آپریشن کرے ‘ اور کرپٹ عناصر کے مقدمات بھی فوجی عدالتوں میں چلاکر فوری فیصلے کئے جائیں اور کرپٹ عناصر کو سرعام پھانسی دی جانی چاہئے’ملک اس وقت نازک حالات سے گزر رہا ہے اس میں کوئی شک نہیں کہ سعودی عرب ہمار ا اچھا ہمسایہ ہے مگر اس کے باوجود بھی ہمیں اس کی جنگ میں نہیں گھسنا چاہئے، کسی بھی ملک میں فوج بھیجنے کا فیصلہ راتوں رات نہیں ہونا چاہئے۔
قوم کو اعتماد میں لئے بغیر ایسے فیصلے نہیں کئے جا سکتے،موجودہ حالات میں پاک فوج کا سعودی عرب کی جنگ میں گھس جانا دانشمندانہ اقدام نہیں ہوگا، ایل این جی کے معاہدے شفاف نظر نہیں آرہے’حکومت مہنگائی کا طوفان لا رہی ہے۔
مقامی اخبار کے چیف ایڈیٹر منیر احمد غفوری حرکت قلب بند ہونے سے انتقال کر گئے
پاکستان سمیت دنیا بھر میں مسیحیوں نے ایسٹر سے پہلے گڈ فرائیڈے منایا
