جامشورو (جیوڈیسک) پاکستان پیپلز پارٹی کے مرکزی اطلاعات سیکریٹری مولا بخش چانڈیو نے کہا ہے کہ اگر دہشتگرد باہر سے آرہے ہیں تو یہ ذمہ داری وزیر داخلہ کی ہے اگر دہشتگرد مقامی ہے تو یہ صوبائی معاملہ ہے۔
وزیر داخلہ صوبائی حکومت پہ الزام تراشی بند کریں۔ سندھ یونیورسٹی جامشورو میں خواتین کے عالمی دن کے موقع پہ منعقدہ ریلی میں شرکت کے بعد میڈیا سے گفتگو کرتے ہوئے مولا بخش چانڈیو کا کہنا تھا کہ فوجی عدالتیں اگر بار بار آتی رہیں تو سویلین نظام کمزور ہو جائے گا۔
اگر انصاف کا تقاضہ ہے کہ ملٹری کورٹ آئے تو وہ انصاف کے تقاضے بھی پورے کریں ۔ انسانی حقوق کی خلاف ورزی نہیں ہونی چاہیئے ۔ ایک سوال کے جواب میں ان کا کہنا تھا کہ عمران خان ہمیشہ تذکروں میں رہنا چاہتے ہیں وہ خود کو نوجوان سمجھتے ہیں ایسا نہیں ہے۔
مہمانوں اور قوم کے لیے یہ اچھے جملے نہیں تھے ، خواتین کے اختیارات کو سمجھتے ہیں ، مجھے سمیت ہماری پارٹی خواتین کے کردار کو سراہتی ہے ۔ پاکستان میں پہلے ہی اردو قومی زبان ہے اور سندھ میں دوسری بڑی زبان ہے۔
عراق پر سفری پابندی ہٹانا خوش آئند ہے، عراقی وزیر خارجہ
غیرملکی کھلاڑی نہیں، خیبر پختونخواہ حکومت پھٹیچر ہے، عابد شیر علی
