کروڑ لعل عیسن کی خبریں 14.10.2013
Posted on October 15, 2013 By Tahir Webmaster سٹی نیوز
عوام وقتی پریشانی سے نہ گھبرائیں۔ وعدے پورے کریں گے۔ میاں نواز شریف ملک و قوم کے خیر خواہ ہیں
کروڑ لعل عیسن : عوام وقتی پریشانی سے نہ گھبرائیں۔ وعدے پورے کریں گے۔ میاں نواز شریف ملک و قوم کے خیر خواہ ہیں۔ ابھی تک سابقہ حکومت کا گند دھونے کی کوشش کر رہے ہیں ۔ان خیالات کا اظہار پیر آف سواگ شریف صاحبزادہ محبوب الحسن نے گزشتہ روز TMA کروڑ میں شہریوں سے ملاقات میں کیا ۔ انہوں نے کہا کہ ہمیں عوام نے جو مینڈیٹ دیا ہے اس پر ہم ان کے بے حد مشکور ہیں۔ انہوں نے مزید کہا کہ جس روز سے حکومت بنی ہے سابقہ حکومت کے معاملات نمٹانے پر ہی زور لگایا جا رہا ہے۔ جبکہ واپڈا کے محکمہ سے لوگ بہت تنگ ہیں اس پر خصوصی توجہ دینے کی ضرورت ہے ۔ انشاء اﷲ عوام کے ساتھ رابطے جاری رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید قربان کے جانور خریدنے کا سلسلہ جاری ۔ نرخ آسمان کو چھونے لگے
کروڑ لعل عیسن : عید قربان کے جانور خریدنے کا سلسلہ جاری ۔ نرخ آسمان کو چھونے لگے۔ ملک بھر کی دیگر منڈیوں کی طرح کروڑ کی منڈی مویشی میں بھی گزشتہ روز آخری منڈی میں خریداروں کا رش رہا ۔ جانوروں کی قیمتیں آسمان سے باتیں کرنے لگیں ۔ قربانی کا جانور خریدنے میں سخت دشواری کا سامنا ۔ آخری وقت میں جانوروں کی قیمتیں کم ہونے پر کچھ لوگوں نے جانور خرید کئیے جبکہ بہت سے جانور فروخت نہ ہونے پر مالکان واپس لے گئے ۔ TMA کے مطابق فتح پور منڈی دس لاکھ جبکہ کروڑ کی منڈی مویشیاں سات لاکھ روپے آمدن ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
TMA کروڑ شہر میں صحت و صفائی پر خصوصی توجہ دے۔ گلی کئی کئی مہینہ تک صاف نہیں کی جاتی
کروڑ لعل عیسن : TMA کروڑ شہر میں صحت و صفائی پر خصوصی توجہ دے۔ گلی کئی کئی مہینہ تک صاف نہیں کی جاتی ۔اور نالیاں گندگی سے اٹی رہتی ہیں۔ ان خیالات کا اظہار بزرگ رہنما سردار صفدر خان سیہڑ نے اپنے بیان میں کیا۔ انہوں نے کہا کہ بھکر والی قبرستان کے سامنے والی ہماری گلی میں کئی کئی مہینہ سے نالیوں کی صفائی اور جھاڑو دینے والا نہیں آیا ۔ جس کے باعث گندگی سے نالیاں بھری پڑی ہیں ۔ اور مچھروں اور مکھیوں کے باعث بیماریوں میں اضافہ ہو رہا ہے ۔ انہوں نے فی الفور صفائی کے نظام کو بہتر کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صاحبزادہ فیض الحسن ملک بھر میں ووٹ رکھتے ہیں اور مسلم لیگی امیدواروں کو سپورٹ کرتے ہیں
کروڑ لعل عیسن : صاحبزادہ فیض الحسن ملک بھر میں ووٹ رکھتے ہیں اور مسلم لیگی امیدواروں کو سپورٹ کرتے ہیں ۔ صاحبزادہ فیض الحسن پرانے اور سچے مسلم لیگی ہیں ۔ میاں نواز شریف ان کو جو مقام دیتے ہیں وہ کسی کیلئے بھی نہیں ۔ پروپگنڈہ کرنے والوں کو کچھ دنوں بعد خود ہی معلوم ہو جائے گا کہ صاحبزادہ فیض الحسن مسلم لیگ کیلئے کتنے اہم ہیں ۔ ان خیالات کا اظہار مسلم لیگی رہنمائوں میاں جاوید اصغر ، چوہدری یٰسین جٹ ، چوہدری غلام رسول جٹ ، رانا سرور ، حاجی منشا ء اﷲ ، پیر شہزاد اسماعیل ، ظفر خان گشکور اور ملک منظور سواگ نے اپنے بیان میں کیا ۔ انہوں نے کہا کہ مختلف لوگ اور ایک اخبار اپنی شہرت بڑھانے کیلئے غلط پروپگنڈے کر رہا ہے ۔ جس میں کوئی صداقت نہیں ۔ انہیں یہ معلوم ہونا چاہئیے کہ صاحبزادہ فیض الحسن ملک بھر میں ووٹ رکھتے ہیں اور مسلم لیگی امیدواروں کو سپورٹ کرتے ہیں۔
