لاہور (جیوڈیسک) پنجاب میں غیر ملکیوں کی حفاظت کیلئے علیحدہ ٹاسک فورس بنانے کا فیصلہ کر لیا گیا،وزیر اعلی پنجاب شہباز شریف کہتے ہیں کہ ملک نازک دور سے گزر رہا ہے، امن و امان کی صورتحال بہتر بنانا ہماری ترجیح ہے۔ لاہور میں وزیر اعلی پنجاب شہباز شریف کی زیر صدارت اعلی سطحی اجلاس ہوا۔
اجلاس کے دوران صوبے میں امن و امان کی صورتحال اور جشن آزادی پر سیکیورٹی انتظامات کا جائزہ لیا گیا، اجلاس میں پنجاب میں غیر ملکیوں کی حفاظت کیلئے علیحدہ ٹاسک فورس بنانے کا فیصلہ کیا گیا۔اس موقع پر وزیر اعلی شہباز شریف نے کہا کہ غیر ملکیوں کی حفاظت کیلئے شارٹ ٹرم اور لانگ ٹرم منصوبہ بندی کی جائے۔
وزیر اعلی نے کہا کہ یوم آزادی پر سیکیورٹی کے فول پروف انتظامات کئے جائیں۔ ون ویلنگ کی پابندی پر عملدرآمد کو یقینی بنایا جائے اور سڑکوں پر ٹریفک رواں دواں رکھنے کیلئے خصوصی انتظامات کئے جائیں۔ شہباز شریف نے کہا کہ امن و امان کی صورتحال بہتر بنانے کے حوالے سے کوئی غفلت برداشت نہیں کی جائے گی۔
دہشت گردی کے خلاف قومی پالیسی صوبوں کی مشاورت سے بنائی جائے،وزیر اعظم
ڈائریکٹر ٹیکنکل کو او ایس ڈی بنانے پر چیف ایگزیکٹیو لیسکو طلب
