تحریر: شاہ بانو میر ساڑھے نو پونے دس کا ٹائم تھا ہم میاں بیوی کہیں جا رہے تھے وہ راستہ سٹڈ دُوو فرانس (فرانس اسٹیڈئم) کی جانب تھا اچانک راستے میں پولیس کی چاریں سائرن بجاتے ہوئے ہم سے مطالبہ کرتی دکھائی دیں کہ سڑک سے فوری طور پے اپنی کار کو سائیڈ پر کیا جائے ہنگامی حالت کے یہ سائرن ہر سننے والے کو اتنے رش میں کنفیوز کر دیتے کہ کیسے جلدی سے راستہ بنایا جائے بہر کیف راستہ بن گیا اور یکمشت کئی کاریں سائرن بجاتی ہوئی تیزی کے ساتھ ذیلی سڑک جو اسٹیڈیم کی جانب جاتی وہاں سیکنڈز میں نگاہوں سے اوجھل ہو گئیں شائد اس وقت وہاں حادثہ رونما ہو چکا تھا۔
ہم اپنے راستے پر مُڑ گئے لیکن یہ کیا اس سڑک پر بھی سائرن بجاتی شور مچاتی پولیس کاریں اور ان کے عقب میں فائر برگیڈ کی سرخ گاڑی سائرن بجاتی ہوئی سرعت میں گزر گئی یا اللہ خیر لگتا کوئی بڑا حادثہ رونما ہوا ہے ‘ہمارا خیال تھا کہ سڑک پر کاریں کسی بڑے حادثے کا شکار ہوئی ہیں کیونکہ اس کے علاقے کے بالکل ساتھ ہی موٹر وے اے 86 کی سڑک ہے لیکن گھر پہنچ کر علم ہوا کہ ملنظم دہشت گردی کی واردات دہشت گرد کر گئے۔
President of France
بہت بڑی کاروائی کی گئی 15 سے 20 شر پسندوں نے کانسرٹ ہال میں لوگوں کو یرغمال بنا رکھا ہے ہلاکتیں ابھی تک 40 ہے تعداد مزید بڑہنے کا خدشہ ہے اسٹیڈیم میں فرانس اَور جرمنی کا میچ دیکھنے بڑی تعداد میں لوگ موجود تھے ‘ فرانس کے صدر بھی میچ دیکھ رہے تھے۔
امریکہ سمیت تمام یورپ سے سخت تشویش کا اظہار اور سخت مذمت کی جا رہی ہے زخمیوں کو تیزی سی ہسپتال منتقل کیا جا رہا ہے ریسکیو کاروائیاں تیزی سے جاری ہیں متعدد افراد زخمی ہیں حملہ آوروں نے نقاب پہن رکھے تھے کانسرٹ ہال کو نشانہ بنایا گیا ا ور اسٹیڈیم کو نشانہ بنایا گیا 100 افراد یر غمال ہیں ان کو کیسے رہائی دلانی ہے ابھی کوئی حکمت عملی سامنے نہیں آئی پَولیس کی بڑی نفری حادثے کی جگہہ پر موجود ہے۔
Immigrants
تمام تارکین وطن اس وقت ٹی وی کے سامنے ساکت منجمند بیٹھے ہیں افسوسناک سانحہ پرسکون ماحول میں یہ انتشار اور شرپسندی نجانے کن کی جانب سے کی گئی او اب پھر پکڑ دھکڑ شروع اب پریشان حال روزگار کی تلاش میں آنے جانے والے اسٹیشنوں پر سخت تلاشی کا ہدف بنیں گے ابھی تک تو کسی گروپ نے ذمہ داری قبول نہیں کی ہے لیکن خُدا نہ کرے کہ یہ واقعہ کسی مسلمان تنظیم کی جانب سے کیا گیا پردیس میں تارکینَ وطن کس حال میں رہتے ہیں بچے جو یہاں پیدا ہوئے انہیں کس قدر مسلمان ہونے کا طعنہ ان واقعات کے بعد تعلیمی درسگاہوں میں سننا پڑتا ہے تارکین وطن جو دھڑ دھڑ یورپ کی سرزمین کا رخ کر رہے تھے نجانے اب ان کیلئے کیا قانون پاس کیاجائے گا؟
تمام مسلمان خواہ ان کا تعلق کسی بھی ملک کسی بھی فرقے سے ہو وہ لمبے عرصے تک تفتیش کے نام پر معلومات ٹی وی پر سنتے اور گرد و نواح میں رہنے والوں کے سامنے چور سے بن جاتے یہ دہشت گردی کا عفریت نجانے کس کروٹ بیٹھے گا اقوام عالم کو اس دہشت گردی کی بنیاد کو ختم کرنا پڑےگا آئے روز ہونے والے یہ حادثات سخت جان کرنے والوں کیلئے تو شائد مسئلہ نہیں لیکن ہم جیسے لاکھوں تارکین وطن کیلئے اور ان کے بچوں کیلئے یقینا بہت بڑا مسئلہ ہے مسلمان جو اصل قرآنی تعلیمات سے بہرہ مند ہیں وہ زندگی میں سادگی امن سکون اور دوسروں کیلئے باعث خیر بنتے ہیں جبکہ ادھورا علم اور ناقص علم ہر شر کو خیر میں تبدیل کر دیتا ہے آیئے ابتدائی رپورٹ میں کچھ نہیں بتایا جا رہا لیکن بطور مسلمان دعا کیجئے کہ اس میں ہمارے بچے یا ہمارے کسی بھائی کا ہاتھ نہ ہو اور نہ ہی کوئی ملوث پایا جائےآمین
مشتبہ افراد کو روکنے کیلئے سرحد سیل کر دی ہے، فرانسیسی صدر
موسیٰ و فرعون و شبیر و یزید
