کروڑ لعل عیسن: 5 روز سے لاپتہ ایم بی بی ایس فائینل ایئر کے طالب علم اور اس کے چھوٹے بھائی کا کوئی پتہ نہ چل سکا۔ شکیل احمد بہن کی بارات کے روز چھوٹے بھائی توقیر احمد کو کپڑوں کی شاپنگ کروانے کیلئے لیہ کا کہہ کر گیا اور آج تک واپس نہ آیا۔
والدین کا رو رو کر بر حال۔ انتظامیہ بچوں کی بازیابی کیلئے اقدامات کرے۔ تفصیل کے مطابق کروڑ کے وارڈ نمبر 6 کا شکیل احمد ولد غلام مرتضی قریشی جو کہ ایم بی بی ایس کے فائینل ایئر شیخ زید میڈیکل کالج رحیم یار خان کا طالب علم ہے 5 اپریل کو اس کی بہن کی بارات آنا تھی۔ صبح 10 بجے اپنے چھوٹے بھائی توقیر احمد جو کہ جماعت نہم کا طالب علم تھا کو کپڑے دلوانے کیلئے لیہ کا کہہ کر گیا۔ پھر گھر فون آیا کہ ہم گھر جلد پہنچ رہے ہیں۔ لیکن آج 5 روز گزر جانے کے باوجود دونوں بھائی گھر نہیں پہنچے۔ پولیس تھانہ کروڑ کو اطلاع کے باوجود مؤثر طور پر تلاش کا کام نہیں کیا گیا ہے۔
