لاہور (جیوڈیسک) پیپلز پارٹی پنجاب کے صدر میاں منظور احمد وٹو نے کہا ہے کہ یہاں لوگ صدر اور وزریراعظم تو بنتے رہے مگر کوئی بھٹو اور بے نظیر جیسالیڈر نہیں بن سکا۔ ان خیالات کا اظہار انہوں نے گزشتہ روز ماڈل ٹاؤن میںذ والفقار علی بھٹو کی 87ویں سالگر ہ کا کیک کاٹنے کے بعد میڈیا سے گفتگو کرتے ہوئے کیا۔
لاہور ہائی کورٹ میں پیپلز لائرز فورم کی طرف سے منعقدہ تقریب سے خطاب کرتے ہوئے منظور احمد وٹو نے کہا کہ پیپلز پارٹی ایک جماعت نہیں بلکہ ایک سوچ کا نام ہے اور اس سوچ کو کوئی ختم نہیں کر سکتا۔ تقریب میں سردار خرم لطیف کھوسہ، افتخار شاہد، بشریٰ نقوی، لائرز فورم کے دیگر عہدیداروں اور رہنماؤں نے شرکت کی۔
ایوان عدل میں بھی کیک کاٹا گیا۔اس موقع پر سینیٹر جہانگیر بدر نے کہا کہ ذوالفقار علی بھٹو کسی شخصیت کا نہیں بلکہ ایک مشن کا نام تھا۔ دریں اثنا پیپلز پارٹی شہید بھٹو پنجاب کے صدر خواجہ عطا الرحمن نے خواجہ ہاؤس میں بھٹو کی 87 ویں سالگرہ انتہائی سادگی کے ساتھ منائی۔
شدید دھند: پی آئی اے کو 170 پروازیں منتقل کرنا پڑیں
لیاقت آباد , ہربنس پورہ : گھریلوں حالات سے تنگ آکر خاتون سمیت 2 افراد کی خودکشی
