کراچی ( اسٹاف رپورٹر ) بلوچستان میں دہشت گردی‘ پنجاب و قبائلی علاقوں میں تخریب کاری اورپاک افغان تعلقات میں دراڑیں ڈالنے کی سازشوں میں مصروف نریندر مودی کی بھارت سرکار پاکستان و اسلام دشمنی میں تمام حدیں پار کرکے گائے کے گوشت و ذبیحہ پر پابندی کے بعد گائے کے گوشت کھانے والوں کو پھانسی کی سزا کی مہم کے ذریعے بھارت میں ہندو مسلم فسادات کی راہ ہموار کررہی ہے تاکہ ان فسادات کیخلاف پاکستان کے احتجاج کو بھارت کے اندرونی معاملات میں مداخلت قرار دیکر پاکستان کے خلاف عالمی مہم چلائی جاسکے اور بھارت کو پاکستان کیخلاف فوج کشی و جارحیت کے ارتکاب کا جواز بھی مل سکے ۔ محب وطن روشن پاکستان پارٹی کے قائد و چیئرمین امیر پٹی نے نئی دہلی میں انتہا پسند ہندوں کی جانب سے گائے کے گوشت پر پابندی کیخلاف آواز اٹھانے والے مقبوضہ کشمیر اسمبلی کے مسلمان رکن انجینئرعبدالرشید کے چہرے پر سیاہی پھینکنے کے واقعہ کی مذمت کرتے ہوئے کہا کہ مودی حکومت کی سرپرستی و آشیرباد کے باعث بھارت میں شیو سینا کی دہشتگردی بڑھتی جارہی ہے او ر اگر مہذب دنیا نے گائے کے ان پجاریوں کی دہشتگردی کا سنجیدہ نوٹس نہیں لےا تو فنکاروں ‘ ادیبوں ‘ سفارتکاروں ‘ کھلاڑیوں اور سیاستدانوں پر حملے کرنے والے یہ دہشتگرد پوری دنیا اور دیگر مذاہب کے تمام ماننے والوں کیلئے خطرہ بن جائیں گے جس کے ذمہ دار نریندر مودی و بھارت کے علاوہ اقوام متحدہ اور وہ تمام مہذب اقوام ہوں گی جنہوں نے بھارتی دہشتگردی اور امن دشمنی پر چپ سادھ رکھی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی ( اسٹاف رپورٹر ) آئی ایم ایف کی ہدایت پر گیس اور پٹرولیم مصنوعات کی قیمتوں میں اضافے کی حکومتی یقین دہانی اور گیس و پٹرول کی قیمتوں میں اضافے کی حکومتی تیاریوں پرتشویش و مذمت کا اظہار کرتے ہوئے پاکستان سولنگی اتحاد کی جانب سے منعقدہ عاشورہ محرم کی پانچویں سیاسی مجلس میں نعمت اللہ سولنگی‘ ایاز علی سولنگی‘ محرم علی سولنگی ‘ فقیر اللہ رکھیو سولنگی ‘نواب علی سولنگی ‘ فوجی منٹھار سولنگی ‘ حاجن علی سولنگی ‘ شرف الدین سولنگی ‘ عبدالحکیم سولنگی ‘ شفیق چانڈیو ‘ امتیاز ملاح‘ وڈیرو علی اصغر سولنگی ‘ علی مراد سولنگی ‘ سہراب سولنگی ‘ قربان سولنگی ‘ ذوالفقار سولنگی ‘ سائیں داد سولنگی ‘ نواب سولنگی ‘ عرفان سولنگی ‘ دیدار علی سولنگی ‘ ڈاکٹر قدیر سولنگی ‘ دوست محمد سولنگی ‘ روشن خان سولنگی ‘ نور محمدسولنگی ‘عبدالخالق سولنگی ‘ احمد نواز سولنگی ‘ یوسف سولنگی‘ارباب سولنگی ‘ ایازسولنگی ‘حاجی خان سولنگی‘جمعہ خان سولنگی‘صالح محمد سولنگی ‘ نواب سولنگی‘ گل حسن سولنگی ‘ جام فیاض سولنگی ‘ علی محمد سولنگی ‘ حاجی خان سولنگی ‘ راجہ ڈاہر سولنگی ‘ خادم سولنگی یڈوکیٹ ‘ عرفان سولنگی اور ایڈوکیٹ دیدار سولنگی نے کہا کہ قرض کے ذریعے ملک کو چلانے کی حکومتی کوشش سے قوم کا مستقبل کو لاحق خطرات میں اضافہ ہورہا ہے اور پٹرول اور گیس کی قیمتوں سے مہنگائی کا سیلاب آجائے گا جبکہ ملک کے غریب عوام پہلے ہی بیروزگاری ‘ غربت اور مہنگائی کی وجہ سے جس حالت اور جن حالات کا شکار ہیں ان کیلئے پٹرول و گیس کی قیمتوں میں اضافے اور اس سے آنے والے مہنگائی کے سیلاب کے بعد عزت سے جینا ممکن نہیں رہے گا۔
کراچی ( اسٹاف رپورٹر ) ہمدم ویلفیئر آرگنائزیشن کی چیئر پرسن روبینہ شاہین کی سماجی و فلاحی خدمات کے اعتراف میں گجراتی قومی موومنٹ کی جانب سے گجراتی سرکار امیر پٹی المعروف سورٹھ ویر نے روبینہ شاہین کو ”حسن کارکردگی ایوارڈ “ سے نوازا جبکہ سول ڈیفنس ساتھ کے سربراہ اقبال چاند نے تقریب میں ہمدم ویلفیئر کی چیئرپرسن روبینہ شاہین کو حکومت سندھ کی جانب سے سول ڈیفنس ساتھ کی گروپ وارڈن بنانے کا اعلان کیا۔ سول ڈیفنس ساتھ کے سربراہ فرزند جونا گڑھ اقبال چاند اور ہمدم ویلفیئر کے اشتراک سے منعقدہ تقریب تقسیم ایوارڈ کے مہمان خصوصی ماہر ماحولیات ڈاکٹر اقبال سعید خان ‘صدر محفل گجراتی قومی موومنٹ کے سربراہ گجراتی سرکار امیر پٹی المعروف سورٹھ ویر ‘سماجی رہنما بیگم سلمیٰ وحید مراد ‘ روزینہ خان روزی ‘صدر ہمدم فانڈیشن نہال ملک ‘عزیز صدیقی‘ سید عبدالغنی ‘صدیق راجہ ‘ ڈاکٹر دُر شہوار ‘ذکیہ کفیل عباسی و دیگرنے اپنے خطاب میں روبینہ شاہین کی سماجی خدمات کا اعتراف کرتے ہوئے انہیں اخرج تحسین پیش کیا جبکہ سماجی رہنما یحییٰ خانجی تنولی‘ نجمہ مینائی ‘یاسین خان مہران والا ‘مولانا فیروزالدین رحمانی ‘ حاجی امیر علی خواجہ ‘نوشاد عمرانی ‘ذکیہ بیگم ‘ عارف راجپوت ‘کلثو م شمع ‘ صباء‘ نشائ‘ نائلہ ‘ ماہر قانون ایڈوکیٹ الطاف حسین ‘ صدیق بلوچ ایڈوکیٹ‘ صحافی عثمان ساٹی ‘ حنیف ٹیڈی ‘ سید آصف حسین آغا‘ نور محمد غازی‘ فرح ناز ‘معروف کمپیئر اقبال موٹلانی ‘ آرٹ پروموٹر صدیق راجہ ‘ گلوکارہ لبنیٰ غزل ‘ کامیڈین اختر شیرانی اور فنکار علی مرادنے مقررین کے خطاب اور روبینہ شاہین کی خدمات پر انہیں حسن کارکردگی ایوارڈ سے نوازنے کے فیصلے کو سراہا۔
کراچی میں ٹریفک پولیس کی نفری بڑھائی جائیگی، وزیر اعلیٰ سندھ
جماعت اسلامی معاشرے کے اندر خدمت کا عنوان بن چکی ہے، اسامہ رضی
