لاہور (اصل میڈیا ڈیسک) ایف آئی اے نے منی لارنڈنگ کیس میں شہباز شریف اور حمزہ شہباز سے کوٹ لکھپت جیل میں تحقیقات کا فیصلہ کر لیا۔
ایف آئی اے نے منی لارنڈنگ کیس میں شہباز شریف اور حمزہ شہباز سے تحقیقات کیلیے سپرنٹنڈنٹ کوٹ لکھپت جیل کو خط لکھ دیا۔ اینٹی کرپشن سرکل کے ایس ایچ او اپنی ٹیم کے ہمراہ آج جیل جائیں گے اور دونوں رہنماؤں کے بیان ریکارڈ کریں گے۔
ڈائریکٹر ایف آئی اے ڈاکٹر رضوان نے خط میں کہا کہ بیانات سے تحقیقات میں مدد ملے گی۔ اس سے قبل بھی 23 نومبر کو خط لکھا گیا تھا لہذا ایف آئی اے اینٹی کرپشن سرکل کی ٹیم کو جیل میں تحقیقات کرنے کی اجازت دی جائیں۔
ذرائع کا کہنا ہے کہ پنجاب اسمبلی میں اپوزیشن لیڈر حمزہ شہباز پر25ارب روپے کی منی لانڈرنگ کا الزام ہے۔
ملک میں کورونا سے مزید 71 اموات، 2500 سے زائد نئے کیسز رپورٹ
دھند کے باعث موٹروے ایم ٹو اور ایم تھری بند کر دی گئی
