اسلام آباد (جیوڈیسک) حکومت مخالف سیاسی جماعتوں میں رابطے بڑھنے لگے، تحریک انصاف کے چیئرمین عمران خان کا چوہدری شجاعت اور پرویز الہی سے ٹیلی فون پر رابطہ ہوا کل تحریک انصاف کا وفد چوہدری برادران سے اسلام آباد میں ملاقات کرے گا۔
تحریک انصاف نے اپنے چارٹر آف ڈیمانڈ پر عمل درآمد کے لئے حکومت پر دباؤ بڑھانے کے لئے دیگر اپوزیشن جماعتوں سے رابطے تیز کر دیئے ہیں منگل کے روز عمران خان نے مسلم لیگ قائد اعظم کے صدر چوہدری شجاعت حسین اور پرویز الہی سے فون پر رابطہ کیا جس میں ملکی سیاسی صورتحال اور آزاد خود مختار الیکشن کمیشن کے حوالے سے تبادلہ خیال کیا گیا۔
عمران خان کی ہدایت پر مخدوم جاوید ہاشمی، شاہ محمود قریشی اور دیگر قائدین پر مشتمل وفد کل اسلام آباد میں چوہدری برادران سے ملاقات کرے گا اور آئندہ لائحہ عمل کے حوالے سے مشاورت کرے گا۔
الطاف حسین کے شناختی کارڈ کا ڈیٹا ضائع ہوگیا، وزیر مملکت برائے داخلہ
انتخابی اصلاحات کا مطالبہ عمران خان کا نہیں پوری قوم کا ہے: پرویز رشید
