کراچی (جیوڈیسک) میڈیا رپورٹس کے مطابق پاک فوج کے سوات آپریشن کے حقیقی واقعات پر مبنی ی فلم یلغار کا باکس آفس پر راج ابھی تک قائم ہے۔ دہشتگردی سے نمٹنے اور پاک فوج کے کردار پر روشنی ڈالتی فلم یلغار کو شائقین کی جانب سے خوب پذیرائی حاصل ہو رہی ہے۔
فلم نے پاکستان بھر سے ایک ہفتے کے دوران دس کروڑ روپے سے زائد کا بزنس کیا ہے۔ گزشتہ دنوں فلم کی کامیابی پر کراچی میں ایک رنگا رنگ تقریب کا اہتمام کیا گیا جس میں ستاروں کی شرکت سے چار چاند لگ گئے۔
خیال رہے کہ یلغار پاکستان کی اب تک کی سب سے مہنگی فلم ہے جسے بنانے میں 3 سال کا عرصہ لگا۔ اس فلم کی کاسٹ میں سپر سٹار شان شاہد، عدنان صدیقی، ہمایوں سعید، ایوب کھوسو، بلال اشرف، عائشہ عمر اور ثنا بچہ سمیت دیگر اداکار شامل ہیں۔
مدارس اسلام کے پیغام امن کو پھیلانے کی درسگاہیں ہیں، مفتی محمد نعیم
کراچی کی خبریں 5/7/2017
