لاہور (جیوڈیسک) اداکار جمال شاہ نے کہا ہے کہ بطور مصنف وہدایتکار میری فلم’’ revenge of the worthless‘‘ (بدل)کی میوزک لانچنگ کے بعد پاکستان ہی نہیں دوسرے ممالک سے تعلق رکھنے والے ڈسٹری بیوٹرز کی جانب سے بہترین رسپانس سامنے آ رہا ہے۔
ایک طرف تو غیرملکی ڈسٹری بیوٹرز ہماری فلم کونمائش کی خواہش رکھتے ہیں تودوسری جانب مغربی ممالک میں ہونیوالے فلم فیسٹیولز کی جانب سے بہترین رسپانس سامنے آرہا ہے۔
انھوں نے کہا کہ یہ انتہائی مشکل پروجیکٹ ہے اورمیرا یہ دعویٰ ہے کہ اس سے پہلے اس قدرمشکل فلم نہیں بنائی گئی ہوگی۔
انھوں نے بتایا کہ فلم میں سوات میں 2009 میں ہونے والے حقیقی واقعات کوموضوع بنایا گیا ہے اور اس کی شوٹنگ بھی اوریجنل لوکیشنز پرکی گئی ہے جس دوران ہمیں بہت سی مشکلات پیش آئیں۔
لیکن تمام ٹیم ممبران نے بہت محنت سے کام کیا۔ اس فلم کا مقصد اپنے ثقافتی اور معاشرتی ورثے کی حفاظت کرنا ہے۔ فلم 22مئی کو ریلیز کی جائے گی۔
بیٹی کے فلم میں آنے کی خبر نے ٹنڈولکر کو آگ بگولہ کر دیا
لاہور، باغبانپورہ سے گدھے کا گوشت برآمد، تین ملزم گرفتار
