ممبئی (جیوڈیسک) بالی ووڈ اداکار اور نواب آف پٹودی سیف علی خان کا کہنا ہے کہ اگر محنت اور لگن سے کام کیا جائے تو کسی فلم میں مختلف کردار ادا کرنا کوئی مشکل نہیں ہوتا۔
سیف علی خان کا کہنا ہے کہ اگر سخت محنت اور لگن سے کام کیا جائے تو مشکل سے مشکل چیز بھی آسان ہو جاتی ہیں، کسی بھی فلم میں مختلف کردار ادا کرنا کوئی مشکل کام نہیں ہے بس تھوڑی سی محنت اور توجہ سے تمام چیزیں نہایت آسان ہو جاتی ہیں۔ ان کا کہنا تھا کہ عام زندگی میں بہت زیادہ نرم مزاج ہوں، کام کے دوران اپنی ذاتی زندگی کو علیحدہ رکھتا ہوں اور یہی میرے خوش گوار زندگی کا راز ہے۔
سیف علی خان نے کہا کہ فلم میں کچھ چیزیں ٹیکنیکل بھی ہوتی ہیں جیسے آپ کو مختلف کرداروں کے لئے اپنا روپ بھی بدلنا ہے تو اس کے لئے آپ کے ذہن میں کردار کی نوعیت اور اس کی اہمیت ہونی چاہیئے۔ ان کا کہنا تھا کہ آج کے دور میں لوگوں کو 60 کی دہائی کی طرح کی کامیڈی فلمیں پسند نہیں ہیں بلکہ آج 2014 میں لوگ بہت زیادہ ذہین اور چالاک ہو چکے ہیں اور انھیں ہنسانے کے لئے کچھ مختلف کر کے دکھانا پڑتا ہے۔
لوگوں کی محبت نے اداکارہ بننے پر مجبور کیا: ماہی گل
اداکارہ میرا دبئی منتقل، آبائی گھر بیچ کر فیملی کو بھی بلوا لیا
