راولپنڈی (جیوڈیسک) تحریک انصاف خواتین ونگ کی صدر منزہ حسن کا کہنا ہے کہ ایم کیو ایم اور اس کی قیادت خواتین کی عزت و تکریم پر یقین نہیں رکھتی۔ الطاف حسین نے پاکستانی خواتین کے لیے جو زبان استعمال کی اس پر وہ معافی مانگیں۔
تحریک انصاف کے شعبہ خواتین کی صدر منزہ حسن نے ایک بیان میں کہا کہ کراچی سمیت ملک بھر کی خواتین تحریک انصاف کے ساتھ ہیں، الطاف حسین بوکھلاہٹ کا شکار ہیں، انہوں نے ملکہ برطانیہ سے وفاداری کا حلف اٹھایا۔
منزہ حسن نے کہا کہ الطاف حسین اخلاقی حدود کو پامال کر رہے ہیں، مشترکہ تحقیقاتی ٹیم کی رپورٹ نے ایم کیو ایم کی سفاکانہ سیاست کا پردہ چاک کیا ،واضح ہو چکا ہے کہ ایم کیو ایم اور اس کی قیادت خواتین کی عزت و تکریم پر یقین نہیں رکھتی۔
سانحہ بلدیہ فیکٹری کا کیس فوجی عدالت میں چلایا جائے، عرفان مروت
دہشت گردی کے واقعات : چودھری نثار کے گھر کے سامنے احتجاج
