کراچی (جیوڈیسک) وزیر اعلیٰ سندھ سید قائم علی شاہ نے کہا ہے کہ ایم کیو ایم ہماری اتحادی ہے، اس کی سندھ حکومت میں شمولیت پر اعلیٰ قیادت سے بات چیت جاری ہے۔
وزیر اعلیٰ ہائوس میں صوبے کے مختلف تعلیمی بورڈز کےتحت ہونے والے میٹرک اور انٹر کے امتحانات میں پوزیشن حاصل کرنے والوں میں انعامات تقسیم کرنے کی تقریب منعقد ہوئی۔
وزیر اعلیٰ سید قائم علی شاہ نے بیالیس پوزیشن ہولڈرز میں فی کس ایک لاکھ روپے اور لیپ ٹاپ تقسیم کیا۔ اس موقع پر میڈیا سے بات چیت کرتے ہوئے وزیر اعلیٰ نے کہا کہ ایم کیو ایم ہماری اتحادی ہے ، ایم کیو ایم کی سندھ حکومت میں شمولیت پراعلیٰ قیادت سےبات چیت جاری ہے۔
ایک سوال پر ان کا کہنا تھا کہ چیف سیکرٹری کو تبدیل کرنے کا معاملہ وزیر اعظم کے سامنے اٹھایا تھا ۔ وزیر اعظم نے کہا تھا کہ چیف سیکریٹری کے معاملے کو متنازعہ نہ بنایا جائے۔ انہوں نے کہا کہ قادر پٹیل کوغیر ذمہ دارانہ بیان نہیں دینا چاہئیے تھا۔
وفاقی وزیر مذہبی امور سردار یوسف کی گاڑی کو حادثہ
دیر،اپنے اغوا کا ڈرامہ رچا کر بھائی سے رقم بٹورنے کا منصوبہ بنانے والا گرفتار
