ایم کیو ایم کی جانب سے انیس سو اٹھاسی کے سانحہ حیدر آباد اور کراچی کے شہدا کی پچیس ویں برسی کے موقع پر ملک بھر اور لندن سیکرٹریٹ میں تقریبات کا اہتمام کیا گیا۔ الطاف حسین کہتے ہیں کہ ایم کیوایم کی جدوجہد ضرور کامیاب ہو گی۔
تیس ستمبر انیس سو اٹھاسی کو حیدر آباد اور یکم اکتوبر کو کراچی میں شہید ہونیوالوں کی یاد میں مرکزی تقریب کراچی کے لال قلعہ گرانڈ میں ہوئی جس میں رابطہ کمیٹی کے ڈپٹی کنونیئر ڈاکٹر خالد مقبول صدیقی اور ناصر جمال سمیت دیگر رہنماوں نے شرکت کی۔ چاروں صوبوں سمیت گلگت بلتستان اور کشمیر میں بھی اجتماعات ہوئے۔
شرکا نے شہدا کے ایصال ثواب کیلئے قرآن خوانی اور فاتحہ خوانی کی۔ ایم کیو ایم کے لند ن سیکرٹریٹ میں بھی برسی تقریب منعقد کی گئی۔ ڈاکٹر فاروق ستار، سینٹر بابر غوری اور ندیم نصرت نے خطاب کرتے ہوئے شہدا کو خراج عقیدت پیش کیا۔
دوسری جانب ایم کیو ایم کے قائد الطاف حسین نے اپنے بیان میں کہا کہ قربانیاں دینے والے کارکنوں کا خون رائیگاں نہیں جائے گا۔ متحدہ کے کارکنوں میں قربانی کا جذبہ موجود ہے، دنیا کی کوئی بھی طاقت انہیں منزل کے حصول سے نہیں روک سکتی۔
اسلام آباد فائرنگ کیس کی تحقیقات کیلئے تین رکنی کمیشن قائم
اسلام آباد: بھتا نہ دینے پر پلازہ پر کریکر سے حملہ، سیکیورٹی گارڈ زخمی
