ملتان (جیوڈیسک) ملتان کے علاقے قاسم بیلہ میں مبینہ طورپر آم چوری کرنے والے دو افراد رنگے ہاتھوں دھرلئے گئے۔ باغ مالک کا دعوی کہ چوری کئے جانے والے آم تقریبا 50 من کے قریب ہیں۔ قاسم بیلہ کے علاقے محمد پور گھوٹہ میں آم باغ کے مالک محمد شریف نے ذرائع کو بتایا کہ رات کو اس باغ میں دو چور گھس آئے اور بڑی مقدار میں آم باغ سے باہر لے جانے میں کامیاب ہوگئے جب اسے اطلاع ملی تو اس نے قریبی چیک پوسٹ پر خبر دی اور اپنے ملازم بھی تعاقب بھی بھیجے۔
کچھ ہی دیر بعد رکشہ میں سوار دونوں افرادکو چیک پوسٹ پر پکڑ لیا گیا۔ محمد شریف نے دعوی کیاہے کہ پکڑے گئے افرادمیں باغ کا سابق مالک بھی ہے جس نے یہ باغ پانچ لاکھ روپے میں فروخت کیا تھا۔ محمد شریف نے مزید بتایا کہ کچھ ساتھی فرار بھی ہوگئے ہیں اوراس واردات میں 50من تک آم باغات سے چوری کئے گئے۔
ملک کے بیشتر علاقوں میں موسم گرم اور مرطوب رہنے کا امکان
کراچی : ناظم آباد میں مبینہ پولیس مقابلہ، بینک ڈکیتی کا ملزم گرفتار
