ملتان (جیوڈیسک) بدلہ سنت میں 10 لاکھ روپے مالیت کا کتا چوری ہونے پر درزی عابد نے 2 ملزموں عرفان اور اشرف کے خلاف مقدمہ درج کرایا تھا۔
مقدمہ درج کرانے کی رنجش پر عرفان اور اشرف ساتھیوں کے ہمراہ درزی کے گھر داخل ہوئے اور فائرنگ کر دی جس سے عابد زخمی ہو گیا۔ ملزم درزی عابد کی ٹانگ کاٹ کر ساتھ لے گئے۔
عابد کو نشتر اسپتال منتقل کیا گیا جو زخموں کی تاب نہ لاتے ہوئے دم توڑ گیا۔ پولیس نے قتل کا مقدمہ درج کر کے دونوں ملزموں عرفان اور اشرف عرف پنوں کو مظفر گڑھ سے گرفتار کر لیا ہے۔
سی پی او ملتان کے مطابق واقعے کی مزید تفتیش جاری ہے۔ تین مفرور ملزموں کی گرفتاری کیلئے چھاپے بھی مارے جا رہے ہیں۔
جعلی پولیس بھرتی میں ملوث 100 اہلکاروں کی درخواست ضمانت خارج
میرپور آزاد کشمیر میں مکان کی چھت گرنے سے ماں اور بیٹا جاں بحق
